Chakruok 12:2 - MUMA MALER 2015

² Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Motingʼo Loko Manyien

² “Anaketi oganda maduongʼ kendo anagwedhi; anami nyingi bed gi huma, kendo anami ibed gweth ne ji.

Chakruok 12:2 ပူးပေါင်းရင်းမြစ်များ

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

Chakruok 15:5

Bang’e Ruoth Nyasaye nogole oko mowachone niya, “Ng’i malo, kendo kwan sulwe kinyalo.” Eka nomedo wachone ni, “Nyikwayi bende nobed mang’eny ka suluego.”

Chakruok 17:20

To bende abiro rito Ishmael kaka isekwaya. Abiro guedhe, kendo abiro miye nyithindo gi nyikwayo mang’eny. Enobed wuon jodongo apar gariyo, kendo anami nyikwaye bedo oganda maduong’.

Chakruok 18:18

Nyikwaye nodok oganda maduong’ kendo maratego, mi ogendini duto mae piny nokwaya mondo aguedhgi kaka aseguedho Ibrahim.

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Chakruok 19:29

To Ruoth Nyasaye noseparo Ibrahim ka noketho miego, mi nogolo Lut mondo kik tho e masira ma notieko mier ma odakie.

Chakruok 24:1

Ibrahim koro nosedoko moti ahinya, kendo Ruoth Nyasaye noseguedhe e yorene duto.

Chakruok 24:35

Ruoth Nyasaye oseguedho ruodha ahinya, mi osedoko ng’ama duong’. Osemiye rombe gi diek kod dhok mang’eny, kod fedha gi dhahabu, kaachiel gi wasumbni machwo gi mamon, kod ngamia gi kanje.

Chakruok 25:11

Bang’ tho Ibrahim, Nyasaye noguedho Isaka wuode, mane oyudo odak but soko miluongo ni Beer-lahai-roi.

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 26:4

Anami nyikwayi bedo mang’eny ka sulwe mae polo, kendo anamigi pinyni duto, mi ogendini duto nokwaya mondo agwedhgi kaka aseguedho nyikwayi.

Chakruok 27:29

Ogendini duto mondo otini kendo okulreni. Bed ruodh oweteni, kendo nyikwa meru mondo okulreni. Okuong’ joma kuong’i, to oguedh jogo maguedhi.”

Chakruok 28:14

Nyikwayi nobed mang’eny ka lowo. Gininya malach kendo ginilandre koni gi koni, mi dhoudi duto mae piny nokwa mondo oguedhgi kaka aseguedhi gi nyikwayi.

Chakruok 35:11

Nyasaye nowachone kendo niya, “An Nyasaye Manyalo Gik Moko Duto. Nywol nyithindo mang’eny ibed oganda maduong’. Inibed gi nyikwayo mathoth, mi ginidok ogendini mang’eny, kendo moko kuomgi nobed ruodhi.

Chakruok 46:3

Eka Nyasaye nowachone niya, “An Nyasaye ma Nyasach wuoru. Kik iluor dhi Misri, nikech anatimi oganda maduong’ kuno.

2 Samuel 7:9

Asebet kodi kuonde duto midhiye, kendo asetiekoni wasiki duto. Koro abiro miyo nyingi bedo gi huma maduong’, ka humb joma dongo mag piny,

1 Ruodhi 1:47

To moloyo, jodong ruoth bende nobiro mopako ruodhwa Daudi, ka giwacho niya, ‘Nyasachi mondo omi nying Solomon obed gi huma moloyo nyingi, kendo omi lochne duong’ moloyo mari.’ Mi ruoth Daudi nokulore e kitandane,

Ayub 35:8

Richoni hinyo mana ji weteni, kendo ber mitimo konyo mana gin.

Zaburi 107:38

oguedho joge, komiyo ginya mathoth, kendo ok oyie mondo jambgi odog piny.

Wuok 1:7

To jo-Israel nonywolo nyithindo mang’eny, mi ginya ahinya, kendo ne gipong’o piny, nyaka ne gibedo oganda maratego.

Wuok 32:10

Koro weya mondo atiekgi gi mirimba mager. Bang’e anamiyi doko oganda maduong’.”

Isaya 51:2

Adier, paruru Ibrahim wuonu, kod Sara mane onywolou. Kane aluongo Ibrahim, to ne en mana ng’at achiel kende. Bang’e ne aguedhe, mi amiye odoko oganda maduong’.

Ezekiel 34:26

“Anaguedhgi kendo anawe gidag e alwora mar goda maler, kakelonigi koth e kinde mowinjore.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Zekaria 8:13

Un jo-Juda kod jo-Israel, usebedo ranyisi malong’o ni ogendini mamoko duto kuom gima timore ni joma akuong’o, to koro abiro resou, mi ubed ranyisi mar gima timore ni joma aguedho. Kuom mano kik ubed maluor, to beduru gi chir.”

Kwan 14:12

Abiro goyogi gi tuo, bende ok abi kwanogi ka joga. To in gi nyikwayi natimu oganda maduong’ kendo mang’eny moloyogi.”

Kwan 22:12

To Nyasaye nowacho ni Balaam niya, “Kik idhi kodgi, to bende kik ikuong’ jogo nikech gin joma oguedhi.”

Kwan 23:20

Osechika mondo achiw gueth, omiyo abiro chiwo gueth, to ok anyal loko guethno.

Jo-Rumi 4:11

To achien ne otere nyangu kaka ranyisi ni Nyasaye ne okwane ni en ng’at makare nikech yie mane en-go kane pok otere nyangu. Kuom mano, Ibrahim e wuon ji duto moyie kuom Nyasaye, kendo ma Nyasaye kwano ni joma kare, kata obedo ni ok otergi nyangu.

Jo-Galatia 3:14

Gigo notimore kamano mondo gueth mane Nyasaye osingore ni Ibrahim obi ni joma ok jo-Yahudi kuom Kristo Yesu, kendo mondo wayud Roho mane Nyasaye osingore ni nochiw ni joma oyie.

Jo-Galatia 3:7

Kuom mano, nyaka ung’eni joma oyie e nyithind Ibrahim maradier.

Rapar mar Chik 26:5

Eka ng’atno nowach e nyim Ruoth Nyasaye niya, ‘Kwara ne en ja-Aram mabayo abaya, ma onge gi kar dak. Ne odhi e piny Misri kane pod joge nok, mi gidak kuno. Bang’e ne ginya, mi gidoko oganda maratego man gi ji mang’eny.