Chakruok 12:18 - MUMA MALER 2015

¹⁸ Kuom mano Farao noluongo Abram, mopenje niya, “Ang’o momiyo isetimona kama? Ere gima omiyo ne ok inyisa ni Sarai en chiegi?

Motingʼo Loko Manyien

¹⁸ Omiyo Farao noluongo Abram kendo nopenje niya, “Angʼo ma isetimonani? Ere gima omiyo ne ok inyisa ni Sarai en chiegi?

Chakruok 12:18 ပူးပေါင်းရင်းမြစ်များ

Chakruok 12:19

Mar ang’o niwuonda ni en nyameru, mi akawe mondo obed chiega? Chiegi eri! Kawe mondo udhi!”

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 29:25

Kinyne gokinyi, Jakobo nofwenyo ni kara Laban nomiye mana Lea, omiyo nopenjo Laban niya, “Ang’o momiyo isetimona kama? Natiyoni mondo imiya Rahel. Koro ang’o momiyo isewuonda?”

Chakruok 3:13

Eka Ruoth Nyasaye nopenjo dhako ni, “Ang’o momiyo nitimo kamano?” Nodwoke niya, “Thuol ema nowuonda, machamo olemono.”

Chakruok 31:26

Laban nopenjo Jakobo niya, “Ang’o momiyo niwuonda, mikawo nyiga iringogo ka joma omak e lweny?

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

Chakruok 44:15

Josef nopenjogi niya, “Ang’o musetimoni? Donge nung’eyo ni ng’atno maduong’ ka an nyalo koro wach, mong’e gima usetimo?”

2 Samuel 3:24

Abner nodhi ir ruoth, mopenje niya, “En ang’o misetimo? Awinjo ni Abner nobiro iri. Marang’o imiye thuolo mondo odhi, momiyo koro otony?

Wuok 32:21

Nopenjo Harun niya, “Ang’o ma ne jogi otimoni momiyo imiyo gitimo richo maduong’ kama?”

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Joshua 7:19

Eka Joshua nowacho ni Akan niya, “Wuoda, mi Ruoth Nyasaye ma Nyasach Israel duong’, kendo hulne richoni. Nyisa gima isetimo, ma ok ipanda kata achiel.”

Jong’ad Bura 2:2

Omiyo un bende kik utim winjruok gi weg pinyni, to nyaka uketh kendegi mag liswa. Kata kamano ne ok uwinjo chikna kendo koro neuru gima usetimoni.

1 Samuel 14:43

Saulo nowacho ni Jonathan niya, “Nyisa gima isetimo.” Mi Jonathan nonyise ni, “Adier, nabilo mor kich matin gi luth mane nie lweta. Era e, ayie tho.”