Chakruok 12:17 - MUMA MALER 2015

¹⁷ To Ruoth Nyasaye nosando Farao gi joode gi tuoche madongo nikech osekawo Sarai chi Abram.

Motingʼo Loko Manyien

¹⁷ To Jehova Nyasaye nosando Farao gi joode gi tuoche madongo nikech Sarai chi Abram.

Chakruok 12:17 ပူးပေါင်းရင်းမြစ်များ

Chakruok 20:17

To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

1 Weche mag Ndalo 16:21

Ruoth Nyasaye ne ok oyie mondo ng’ato otimnigi tim mamono, nikech noherogi. To nokwero ruodhi, kowachonigi niya,

1 Weche mag Ndalo 21:22

Daudi nowachone niya, “Yie ing’iew kar dinoni gi nengo makare, mondo agerie kendo-mar-misango ni Ruoth Nyasaye, mondo tho manego joga orum.”

Ayub 34:19

Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.