Chakruok 12:15 - MUMA MALER 2015

¹⁵ Jodong Farao, ruodh Misri, noneno Sarai, mi ne giwuoro berne ni Farao. Eka ne gitere e od ruoth.

Motingʼo Loko Manyien

¹⁵ Kendo kane jodong Farao oneno Sarai, negiwuoro berne ne Farao kendo nokawe motere kar dak ruoth.

Chakruok 12:15 ပူးပေါင်းရင်းမြစ်များ

Chakruok 20:2

Nowuondo jo-Gerar ni Sara ma chiege en nyamin mare, omiyo Abimalek ruodh Gerar nooro joote moomone Sara.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

Jeremia 46:17

Chakuru Farao ruodh Misri nying manyien ni, ‘Ruodh Sunga,’ nikech en ng’at mane thuolo momiye obayo.

Ngeche 29:12

Ruoth ma ohero chiko ite ni weche mihango, bedo mana gi jotich ma jomriambo.

Ngeche 6:29

Mano e kaka ng’at materore gi chi wadgi chalo. Omiyo ng’ato ang’ata motimo kamano ok notony mak oyudo kum.

Zaburi 105:4

Dhiuru ire mondo okonyu, kendo beduru kode kinde duto.

2 Ruodhi 18:21

Ang’eyo ni idhialori nikech jo-Misri, to nyaka ing’e ni Farao ruodh Misri chalo gi odundu mobarore, ma ka ng’ato oyiengoree, to pilore, kendo chwowo lwete. Mano e kaka Farao ruodh Misri chalo ni ji duto mogeno kuome.

1 Ruodhi 3:1

Solomon nokendo nyar Farao, ruodh Misri, kokelogo winjruok e pinjegi, kendo nokele e dala Daudi gi Od Ruoth Nyasaye, kod ohinga molworo Jerusalem.

Wuok 2:15

Farao nowinjo gima notimore, motemo mondo oneg Musa, to Musa noringo mondo odhi odag e piny Midian. Kane ochopo e pinyno, nobet e dho soko moro.

Wuok 2:5

Eka nyar Farao nobiro mondo olwokre kanyo, ka jotichne manyiri to wuotho e geng aora. Nopo koneno adita ka ni ei togo, mooro misumbane manyako moro mondo odhi oome.

Chakruok 41:1

Bang’ higni ma dirom ariyo, Farao noleko ni ochung’ e dho aora Nael,

Chakruok 40:2

Farao nokecho gi jotelo ariyogo,

Ezekiel 32:2

“Wuod dhano, ywag Farao ruodh Misri kinyise kama: Itimori sibuor e kind ogendini, to chutho in mana nyang’ pi ma mwomo aora. Iduwo pi gi tiendi, kendo iketho aore!

Jeremia 25:19

Jomoko ma bende ne omi omadho kikombe mar ngimano e magi: Farao ruodh Misri gi jotende kod jodonge, gi jo-Misri duto,

Chakruok 12:14

Kamano, kane Abram ochopo Misri, jo-Misri noneno ni chiege nigi chia miwuoro.

Chakruok 26:7

Jo-Gerar nopenjo Isaka ka Rebeka en chiege, to nowuondogi ni en nyamin mare. Noparo ni dipo ka ginege konyisogi ni Rebeka en chiege, nikech ne en dhako ma jaber ahinya.