Chakruok 11:8 - MUMA MALER 2015

⁸ Kamano Ruoth Nyasaye nokeyogi e piny duto, mi ne giweyo gero dalano.

Motingʼo Loko Manyien

⁸ Omiyo Jehova Nyasaye nokeyogi koa kanyo nyaka e piny duto kendo ne giweyo gero dalano.

Chakruok 11:8 ပူးပေါင်းရင်းမြစ်များ

Chakruok 10:25

Eber nonywolo yawuowi ariyo; wuode makayo nochak ni Peleg, nikech e ndalone ema nopogie piny, to owadgi ne nyinge Joktan.

Chakruok 10:32

Giduto ne gin dhout yawuot Nowa, kaluwore gi anywolagi kod pinjegi, kendo gin ema ne ginywolo ogendini mopogore opogore mae piny bang’ ataro.

Chakruok 10:5

Kuomgi ema ogendni modak e dho nembe kod chulni nojakoree kadhi e pinjegi giwegi, kuma dhoot ka dhoot, kendo oganda ka oganda wachoe dhogi.

Chakruok 11:4

Bang’e ne giwacho niya, “Koro wageruru dala maduong’ man gi gorofa mabor mochopo nyaka e polo, mondo walos nyingwa, kik wabed ji moke e kor piny.”

Chakruok 11:9

Mano emomiyo iluongo dalano ni Babel, nikech kanyo ema Ruoth Nyasaye nopogoe dho ogendini, kendo okeyogi e piny duto.

Chakruok 49:7

Okuong’ mirimbgi, nimar en mirima mager kendo makwiny! Anakegi e piny Jakobo duto, e kind jo-Israel.

Zaburi 33:10

Ruoth Nyasaye rocho paro mar ogendini. Adier, omonogi timo gik ma gichano.

Zaburi 92:9

Wang’eyo ni wasiki biro tho, kendo joricho duto nolo mi ke nono.

Luka 1:51

Oserieyo bade motegno, mi okeyo josunga, kaachiel gi parogi, kucha.

Rapar mar Chik 32:8

Kane Ng’ama Duong’ Moloyo ochiwo ni ogendini pinjegi, mondo obed kuondegi mag dak, noketo ni oganda ka oganda tong’ pinygi maromre gi kar romb nyithind Nyasaye.