Chakruok 1:28 - MUMA MALER 2015

²⁸ mi noguedhogi, kowachonigi niya, “Beduru gi nyithindo mang’eny, kendo upong’ piny.”

Motingʼo Loko Manyien

²⁸ Nyasaye nogwedhogi mi owachonegi niya, “Nywolreuru kendo kwanu omedre; pongʼuru piny kendo urite. Beduru gi teko ewi rech ma e nam kod winy mae kor polo kendo ewi gik mangima duto mawuotho ewi lowo.”

Chakruok 1:28 ပူးပေါင်းရင်းမြစ်များ

Chakruok 1:22

Eka noguedhogi kowacho niya, “Gik moko duto manie pi mondo onywolre, kendo opong’ nam. Winy bende mondo omedre.”

Chakruok 17:16

Abiro guedhe kendo abiro miyi nyathi ma wuowi kode. Anaguedh Sara, mi nobed min ogendini mang’eny, kendo nyikwaye moko nobed ruodhi.”

Chakruok 17:20

To bende abiro rito Ishmael kaka isekwaya. Abiro guedhe, kendo abiro miye nyithindo gi nyikwayo mang’eny. Enobed wuon jodongo apar gariyo, kendo anami nyikwaye bedo oganda maduong’.

Chakruok 24:60

Ne giguedho Rebeka ka giwachone niya, “Nyathiwa, bed min ji gana gi gana, kendo nyikwayi mondo olo wasikgi.”

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 33:5

Kane Esau oting’o wang’e, moneno mond Jakobo gi nyithindgi nopenjo niya, “Magi ng’a gini man kodigi?” Jakobo nodwoke ni, “Jaduong’, gin nyithindo ma Nyasaye osemiya kuom ng’wonone.”

Chakruok 49:25

Nyasach wuoruno, ma Nyasaye Manyalo Gik Moko Duto, mondo okonyi, kendo oguedhi gi koth moa malo, kendo gi nyithindo, kod chak ma gidhodho,

Chakruok 5:2

Nochueyogi dichwo gi dhako, kendo chieng’no ema noguedhogie, mochakogi ni, ‘Dhano’.

Chakruok 6:1

Kane ji ochako medore e piny, kendo nywolo nyiri,

Chakruok 8:17

Le gi winy kod gik mamol duto bende igol oko, mondo ginywolre, gipong’ piny.”

Chakruok 9:1

Nyasaye noguedho Nowa gi yawuote, mowacho nigi niya, “Medreuru mondo upong’ piny.

Chakruok 9:7

To un, medreuru mondo upong’ piny duto kendo uriti.”

1 Weche mag Ndalo 26:5

gi Amiel mar auchiel, gi Isakar mar abiriyo, kod Peulthai mar aboro.

1 Weche mag Ndalo 4:10

Jabez nokwayo Nyasach Israel niya, “Yie igwedha, kendo imed mbap pinya, bende lweti orita mondo kik gima rach hinya.” Mi Nyasaye nomiye gima nokwayono.

Ayub 39:11

Bende inyalo geno kuom tekone mathothno, mi iwe ni obiro tiyo tijeni madongo?

Ayub 42:12

Achien Ruoth Nyasaye noguedho Ayub moloyo kaka noseguedhe e ndalo mokwongo. Ayub koro ne nigi rombe alufu apar gang’wen, gi ngamia alufu auchiel gi dhok alufu ariyo, kod kenje alufu achiel. Ne en gi yawuowi abiriyo gi nyiri adek.

Zaburi 107:38

oguedho joge, komiyo ginya mathoth, kendo ok oyie mondo jambgi odog piny.

Zaburi 115:16

Polo en mar Ruoth Nyasaye kende. Piny to nomiyo dhano.

Zaburi 69:34

Un polo gi piny kod nembe, kaachiel gi gik moko duto manie iu, pakuru Nyasaye.

Zaburi 8:6

kendo ne ikete ruodh gik moko duto mane ichueyo. Adier, ne iketo gik moko duto e bwo tiende,

Zaburi 8:7

koda ka rombe gi dhok kod le mae thim,

Isaya 45:18

Ruoth Nyasaye ema ne ochueyo polo, kendo oloso piny moguro motegno. Kane ochueye, ne ok oweye chwangla, to nolose mondo ji odagie. En ema owacho kama: An e Ruoth Nyasaye, kendo onge Nyasaye moro.

Tim jo-Lawi 26:9

“Anabed ka aguedhou, mi anami unywol kendo unya mathoth, kendo anachop singruok duto ma natimo kodu.

1 Timotheo 4:3

ka gipuonjogi ni kik gikendi, bende ginikwergi mondo kik cham chiemo moko, ma Nyasaye ema ochweyo mondo joma oyie, kendo ong’eyo adiera, ocham gi erokamano.