Chakruok 1:16 - MUMA MALER 2015

¹⁶ Nyasaye nochweyo gik marieny ariyo madongo mondo orit odiechieng’, kod otieno. Mane rito odiechieng’ ne duong’ moloyo mane rito otieno. Sulue bende nochueyo.

Motingʼo Loko Manyien

¹⁶ Nyasaye noloso gik moko ariyo madongo makelo ler; ler maduongʼ ne rito odiechiengʼ, to ler matin ne rito otieno. Sulwe bende noloso.

Chakruok 1:16 ပူးပေါင်းရင်းမြစ်များ

Chakruok 1:15

Ginirieny e kor polo, mondo gikel ler e piny.” Kamano,

Ayub 31:26

bende pok aselamo wang’ chieng’ mang’angnini, kata mana due marieny maberni pok alamo.

Ayub 38:7

Chieng’no sulue ne wer kanyakla ka ugue wang’, kendo yawuot Nyasaye nokok gi ilo.

Zaburi 148:3

Pakeuru un wang’chieng’ gi due, koda ka un, sulue marieny duto.

Zaburi 148:5

Giduto mondo gipak nying Ruoth Nyasaye, nikech en ema ne ogolo chik, mi ochuegi.

Zaburi 19:6

Ochako ng’wech e tung’ polo konchiel, kendo olworore nyaka komachielo. Lietne chopo kuom gik moko duto te.

Zaburi 74:16

In ema ne ichueyo odiechieng’ gi otieno, mi iketo wang’chieng’ gi due karegi.

Zaburi 8:3

Ka arango polo mane ichueyo gi lweti, kaka lich, kendo ka arango due gi sulue mane iketo kuonde ma gintie,

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 40:26

Ting’uru wengeu malo e polo, mondo upar ane ng’ama ne ochueyo gigo duto. Donge en mana Jal mane otelo ni oganda mar sulue, ka oluongo moro ka moro gi nyinge, mana ka gima en jaduong’ lweny motelo ni jolwenje? Tekone maduong’ malich omiyo onge kata mana sulue achiel ma ok ochung’ kare.

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Jeremia 31:35

Ruoth Nyasaye ema miyo chieng’ rieny godiechieng’, kendo omiyo due gi sulue rieny gotieno. En ema otago pi nam, kendo omiyo apaka wuo. Nyinge en Ruoth Nyasaye Manyalo Gik Moko Duto.

Habakuk 3:11

Wang’ chieng’ gi due ochung’ achung’a keregi, ka gineno polo ka mil, mana ka gima gin aserni gi tong’ magi.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mathayo 27:45

Piny duto notimo mudho, chakre sa auchiel nyaka sa ochiko,

1 Jo-Korintho 15:41

Nitie duong’ mar wang’chieng’, kod duong’ mar due, kod duong’ mar sulue. To chutho sulue achiel rieny matek moloyo machielo.

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.