Chakruok 1:14 - MUMA MALER 2015

¹⁴ Bang’e Nyasaye nowacho niya, “Gik marieny mondo obed e polo, mondo opog odiechieng’ gi otieno, mondo onyis ndalo mitimoe sewni, kod chakruok chwiri gi opon kod higni.

Motingʼo Loko Manyien

¹⁴ Bangʼe Nyasaye nowacho niya, “Ler mondo obedie e kor polo mondo opog odiechiengʼ gi otieno, kendo gibed kaka ranyisi mag lokruok ndalo kod odiechienge, kod higni,

Chakruok 1:14 ပူးပေါင်းရင်းမြစ်များ

Chakruok 1:13

Piny noyuso kendo noru, mi mano nodoko chieng’ mar adek.

Chakruok 1:15

Ginirieny e kor polo, mondo gikel ler e piny.” Kamano,

Chakruok 8:22

“Chuoyo gi keyo, koyo gi liet, oro gi chwiri, kod odiechieng’ gi otieno, ok nobed maonge nyaka chop giko piny.”

Chakruok 9:13

Enobed ranyisi mar singruok masetimo ni piny duto.

Ayub 25:3

Bende nitie ng’at manyalo kwano malaika ma tiyone? Koso nitie kamoro ma ler mar Nyasaye ok rienyie?

Ayub 25:5

Ka Nyasaye ok kwan kata mana due ka gima rieny ahinya, kendo ka ok okwan sulue ka gik maler adier,

Ayub 3:9

Otienono kik lokre odiechieng’, kendo sulue mar okinyi kik rieny, kata ng’amba bende kik ng’ol.

Zaburi 119:91

Gik moko duto pod osiko nyaka chil kawuono mana nikech wachni, nimar giduto gitiyoni.

Zaburi 148:3

Pakeuru un wang’chieng’ gi due, koda ka un, sulue marieny duto.

Zaburi 148:6

Ne ogurogi kuonde ma gintie nyaka chieng’, kuom chikne mochwere.

Zaburi 150:1

Pakuru Ruoth Nyasaye! Ee, denduru Nyasaye e Hekalune. Pakeuru e polo, kuma tekone nitie.

Zaburi 81:3

Gouru tung’ ka due opor, kendo ka due otegno, kunyisogo ni gin ndalo mag nyasi.

Isaya 40:26

Ting’uru wengeu malo e polo, mondo upar ane ng’ama ne ochueyo gigo duto. Donge en mana Jal mane otelo ni oganda mar sulue, ka oluongo moro ka moro gi nyinge, mana ka gima en jaduong’ lweny motelo ni jolwenje? Tekone maduong’ malich omiyo onge kata mana sulue achiel ma ok ochung’ kare.

Jeremia 10:2

“Kik uluw timbe ogendini mamoko, kendo kik chunyu parre kuom honni muneno e kor polo, kata obedo ni gimiyo ogendini parore.

Jeremia 31:35

Ruoth Nyasaye ema miyo chieng’ rieny godiechieng’, kendo omiyo due gi sulue rieny gotieno. En ema otago pi nam, kendo omiyo apaka wuo. Nyinge en Ruoth Nyasaye Manyalo Gik Moko Duto.

Jeremia 33:20

“Kapo ni chike ma aritogo odiechieng’ gotieno nyalo kethore, mi ok giluwore kaka pile,

Jeremia 33:25

To an Ruoth Nyasaye awacho ni, kapo ni anyalo ketho chike ma aritogo odiechieng’ gotieno kod polo gi piny,

Ezekiel 46:1

Ruoth Nyasaye nowacho niya, “Dhorangach ma yo wuokchieng’ midonjogo e laru maiye nyaka bed kolor kuom ndalo auchiel ma ji tiyoe, to nyaka yawe chieng’ Sabato ka Sabato, kod ndalo ka ndalo ma due oporie.

Ezekiel 46:6

Ka due opor, to nyaka ochiw nyarwath gi nyirombe auchiel kod im achiel, duto maonge songa.

Joel 2:10

Piny yiengni e nyimgi, to polo bende tetni. Wang’ chieng’ gi due oimore, sulue bende ok rieny.

Joel 3:15

Wang’ chieng’ gi due olokore mudho, kendo sulue bende ok rieny.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Amos 8:9

Ruoth Nyasaye wacho niya, “Chieng’no nami chieng’ podhi odiechieng’ tir, mi piny lokre mudho ka chieng rieny ha.

Mathayo 2:2

mopenjo niya, “Ere jalo monywol mondo obed ruodh jo-Yahudi? Ne waneno suluene kowuok yo wuokchieng’, omiyo wabiro mondo wamiye duong’.”

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mariko 13:24

“To e ndalo moko bang’ masirano, ‘Wang’chieng’ noimre, kendo due ok norieny.

Luka 23:45

Nanga mane ogeng’o Kama Ler mar Hekalu noriedore diere ariyo.

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.

Fweny 9:2

Ne oyawo burno, mi iro owuoke machalo gi ich mach maduong’, mi wang’chieng gi kor polo otimo mudho nikech iro mane owuok e burno.