Chakruok 1:11 - MUMA MALER 2015

¹¹ Eka nowacho niya, “Gik moko kaka buya gi cham kod kit yien duto ma nyago olemo, mondo otwi e lowo.” Kamano

Motingʼo Loko Manyien

¹¹ Eka Nyasaye nowacho niya, “Buya nyaka nyag e piny, kothe manyago cham kod yiende manyago olembe man-gi kuthe eigi kaka kitgi obet kendo nobedo kamano.

Chakruok 1:11 ပူးပေါင်းရင်းမြစ်များ

Chakruok 1:12

gik moko kaka cham kod kit yien duto manyago olemo notwi e lowo, mi Nyasaye noneno ni gima nosetimo ber.

Chakruok 1:29

Nyasaye nomedo wacho ni dhano niya, “In amiyi cham kod olembe duto mondo obed chiembi,

Chakruok 2:16

Nowachone niya, “Oyieni chamo olemb yien duto manie puodho

Chakruok 2:5

ne onge buya kata yien motwi e lowo, nikech ne pok ooro koth e piny, to bende ne onge dhano mane nyalo pure.

Chakruok 2:9

Nomiyo yien mopogore opogore odongo e puodhono, ma moko lombo wang’, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.

Ayub 28:5

Lowo to ema chiemo wuokie, to pinyne ibaroe lwendni gi mach.

Zaburi 1:3

Ochalo gi yath madongo e bath aora, manyago olemo e kinde mowinjore kendo ma pote ok ner. Gimoro amora motimo dhi maber.

Zaburi 147:8

Oyaro boche polo e kor polo, kendo okelo koth e piny, lum bende omiyo loth e gode.

Isaya 61:11

Kaka lowo miyo cham twi, kendo kaka cham mae puodho thiewo, e kaka Ruoth Nyasaye bende nomi tim makare kod pak thiew e nyim ogendini duto.

Jeremia 17:8

nimar ochalo gi yath mopidh but aora, matero tiendene kochomo pi. Onge gima thage, kata ndalo oro, ma chieng’ rienyie mager, nikech pote osiko ka ng’ich ang’icha. Ok odew kata ka koth ok chue, to osiko konyago anyaga olemo.

Mathayo 3:10

Kata mana kawuono, le oseketi e tiend yien, omiyo yien duto ma ok nyag olemo mabeyo ibiro tong’ oko, mi wit e mach!

Mathayo 6:30

To ka lum aluma mae thim, ma kawuono nitie, to kiny ipudho kendo ibolo e mach, ema Nyasaye rwako maber kamano, to koro donge doket chunye moloyo kuom rwakou? Yaye, un joma nigi yie matin-gi!

Mariko 4:28

Lowo ema miyo cham dongo. Mokwongo cham twi kaka lum, eka omino, to bang’e omoyo.

1 Jo-Korintho 15:38

To Nyasaye miyogo kido kaka oneno ni long’one. Kamano kodhi ka kodhi nigi kite owuon.

Jo-Hibrania 6:7

Nyasaye guedho lowo mamwonyo pi koth ma chuene pile, kendo manyago cham makonyo joma pure.

Jakobo 3:12

Owetena, ng’owo ok nyal nyago zeituni, kendo mzabibu bende ok nyal nyago ng’owo. Kamano pi makech ok nyal lokore pi maber.