Chakruok 1:10 - MUMA MALER 2015

¹⁰ Nochako lowo motwo ni, Piny, to pi mane ochokore ne ochako ni, Nam, noneno ni gima nosetimo ber.

Motingʼo Loko Manyien

¹⁰ Nyasaye nochako lowo ni “piny” kendo pige mane ochokore nochako ni “nembe.” Kendo Nyasaye noneno ni mano ber.

Chakruok 1:10 ပူးပေါင်းရင်းမြစ်များ

Chakruok 1:4

Nyasaye noneno ni ler ber, mi ne opoge oa kuom mudho.

Zaburi 104:31

Duong’ maler mar Ruoth Nyasaye mondo osik nyaka chieng’, kendo onego obed mamor gi gik mane ochueyo.

Zaburi 146:6

ma jachuech polo gi piny kod nam, kaachiel kod gik moko duto manie igi, en jahawi. Ruoth Nyasaye pile rito singruokne.

Zaburi 33:7

Ne ochoko nembe duto kanyachiel. Ee, ne oloro ni kude mag nembe e ut keno.

Zaburi 95:5

En gi loch kuom nam, nikech en ema ne olose. Piny bende mare, nikech en ema ne ochueye.

Jona 1:9

Nodwokogi niya, “An ja-Hibrania, kendo alamo Ruoth Nyasaye ma Nyasach polo mane ochueyo nam gi piny.”

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.