Chakruok 1:1 - MUMA MALER 2015

¹ Kar chakruok, Nyasaye nochueyo polo gi piny.

Motingʼo Loko Manyien

¹ Kar chakruok Nyasaye nochweyo polo gi piny.

Chakruok 1:1 ပူးပေါင်းရင်းမြစ်များ

2 Ruodhi 19:15

“A Ruoth Nyasaye ma Nyasach Israel, mobet ewi kerubi kaka ruoth bet e kom duong’ne, in kendi e Nyasach ogendini duto mae piny, kendo in ema nichueyo polo gi piny.

1 Weche mag Ndalo 16:26

nikech nyiseche mag ogendini mamoko gin mana gik manono, Ruoth Nyasaye to nochweyo polo.

2 Weche mag Ndalo 2:11

Hiram ruodh Turo nodwoko Solomon gi barua mondikoe niya, “Ruoth Nyasaye ohero joge, emomiyo oseketi ruodhgi.”

Nehemia 9:6

A Ruoth Nyasaye in kendi e Nyasaye. In ema nichweyo polo gi polo man malo mogik, kaachiel gi piny gi gik mantie iye, gi nembe kod gik mantie igi. In ema iritogi duto, kendo gik moko duto manie polo, lamo mana in.

Ayub 26:13

Muche ema ne omiyo polo olendo, kendo lwete ema ne onego ondiek ma ne oyudo ringo tony.

Ayub 38:4

Ne intie ka achweyo piny koso? Nyisa ane, ka en adier ni in ng’ama riek mong’eyo gik moko duto kamano.

Ayub 9:8

Onge ng’ama ne okonyo Nyasaye yaro polo, kata nyono Ondieg Nam mager.

Zaburi 102:25

Chon gi lala ne ichueyo piny, kiketo mise mare, kendo ne iloso polo gi lweti iwuon.

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 104:30

To ka imiyogi muya, to gibedo mangima. Kamano imiyo gibedo gi ngima manyien.

Zaburi 115:15

Onego Ruoth Nyasaye mane ochueyo polo gi piny guedhu.

Zaburi 121:2

Konyruokna a mana kuom Ruoth Nyasaye, ma jachuech polo gi piny.

Zaburi 124:8

Konyruokwa a mana kuom Ruoth Nyasaye, ma jachuech polo gi piny.

Zaburi 134:3

Onego Ruoth Nyasaye ma jachuech polo gi piny guedhu gi e Sayun.

Zaburi 136:5

Ne ochueyo polo gi riekone. Herane mosiko ochwere.

Zaburi 146:6

ma jachuech polo gi piny kod nam, kaachiel kod gik moko duto manie igi, en jahawi. Ruoth Nyasaye pile rito singruokne.

Zaburi 33:6

Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

Zaburi 33:9

Ne owuoyo, mi piny obetie, kendo ne ogolo chik, mi gik moko duto othinyore.

Zaburi 8:3

Ka arango polo mane ichueyo gi lweti, kaka lich, kendo ka arango due gi sulue mane iketo kuonde ma gintie,

Zaburi 8:4

to koro dhano en ang’o ma dipare? Adier, dhano adhanani en ang’o ma didewe?

Zaburi 90:2

Kane pok ochue gode, kata kane piny pok obetie, in e Nyasaye ma nyaka nene kendo manyaka chieng’.

Zaburi 96:5

nikech nyiseche mag ogendini mamoko duto gin mana gik manono. Ruoth Nyasaye to ochueyo polo.

Wuok 20:11

nimar Ruoth Nyasaye mochweyo polo gi piny kod nam, kaachiel gi gik moko duto manie igi kuom ndalo auchiel, to chieng’ mar abiriyo noyueyo. Mano emomiyo Ruoth Nyasaye noguedho chieng’ Sabato, kowale mondo obed maler.

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Ngeche 3:19

Ruoth Nyasaye nochueyo piny gi riekone, kendo ne oketo polo kare kuom ng’eyo ma en go.

Eklesiastes 12:1

Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.”

Isaya 37:16

“A Ruoth Nyasaye Manyalo Gik Moko Duto, ma Nyasach Israel, mobet ewi kerubi kaka ruoth bet e komduong’ne, in kendi e Nyasach ogendini duto mae piny, kendo in ema nichueyo polo gi piny.

Isaya 40:21

Donge ung’eyo, koso pok uwinjo,

Isaya 40:26

Ting’uru wengeu malo e polo, mondo upar ane ng’ama ne ochueyo gigo duto. Donge en mana Jal mane otelo ni oganda mar sulue, ka oluongo moro ka moro gi nyinge, mana ka gima en jaduong’ lweny motelo ni jolwenje? Tekone maduong’ malich omiyo onge kata mana sulue achiel ma ok ochung’ kare.

Isaya 40:28

Donge ung’eyo, koso pok uwinjo, ni Ruoth Nyasaye ma Nyasaye mochwere, kendo ma Jachuech piny malichni duto, ok ol, kendo ok nyosre? Parone tut, ma odhiero dhano ng’eyo.

Isaya 42:5

Ruoth Nyasaye mane ochueyo polo mi oyaro, kendo ochueyo piny gi gik mangima duto mantie, mi ochiwo muya ni joma odakie kod gik moko duto mangima, wacho kama:

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 45:18

Ruoth Nyasaye ema ne ochueyo polo, kendo oloso piny moguro motegno. Kane ochueye, ne ok oweye chwangla, to nolose mondo ji odagie. En ema owacho kama: An e Ruoth Nyasaye, kendo onge Nyasaye moro.

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 51:16

Aseketo wechena e dhou, mi apandou e tipo mar lweta, ka ayaro polo, kendo ka aketo mise mar piny, bende ka awachonu, un jo-Sayun, ni, “Un e joga.”

Isaya 65:17

“Winjuru, achueyo polo manyien kod piny manyien. Kamano wich nowil gi gik machon, kendo ok nochak opargi.

Jeremia 10:12

Ruoth Nyasaye nochueyo piny gi tekone, mogure motegno kendo noyaro polo gi riekone.

Jeremia 32:17

“A Ruoth Nyasaye! Ne ichueyo polo gi piny kod riekoni gi tekoni maduong’. Onge gima nyalo tami timo.

Jeremia 51:15

Ruoth Nyasaye nochueyo piny gi tekone, mogure motegno, kendo noyaro polo gi riekone.

Zekaria 12:1

Ma en wach Ruoth Nyasaye kuom Israel: Ruoth Nyasaye mane oyaro polo, kendo oketo mise mar piny, mi omiyo dhano much ngima wacho kama:

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mariko 13:19

nimar masira manomak ji e ndalogo nobed malich ma pok oneye, chakre Nyasaye chue piny nyaka chil kawuono. To bende gima kamano ok nochak otimre kendo.

Tich Joote 14:15

ka gikok ni, “Yawa, ang’o momiyo utimo kamano? Wan mana ji ka un, to gima watimo en mana landonu Wach Maber, mondo uwe timbe manonogi, ulokru ir Nyasaye Mangima, ma ochueyo polo gi piny kod nam, kaachiel gi gik moko duto manie i gi.

Tich Joote 17:24

Nyasaye mane ochueyo piny kod gik moko duto manie iye, e Ruodh polo gi piny, kendo ok odag e Hekalu ma dhano ogero.

Tich Joote 4:24

Bang’ winjo wachno, giduto ne gilemo kaachiel niya, “A Ruoth, in ema nichweyo polo gi piny kod nam kaachiel gi gik moko duto manie igi.

Jo-Rumi 11:36

En ema ne ochueyo gik moko duto, kendo ema omiyo gisiko gintie, bende en ema omiyogi gima omiyo gintie. Duong’ obedne nyaka chieng’! Amin.

1 Jo-Korintho 8:6

wan to wan mana gi Nyasaye achiel, ma en Wuoro, kendo ma gik moko duto a kuome. Wantie mana ni mondo watine. Bende nitie Ruoth achiel kende, ma omiyo gik moko duto nitie, koda ka wan bende.

Jo-Efeso 3:9

Bende nomiya tich mar miyo ji duto ng’eyo kaka weche mopondo mag Nyasaye tiyo. Nyaka nene, Nyasaye ma Jachuech gik moko duto nopando wachne ni tienge machon duto,

Jo-Hibrania 1:10

Bende owacho niya, “A Ruoth, kar chakruok in ema nichweyo piny, kiketo mise mare, kendo ne iseloso polo gi lueti iwuon.

Jo-Hibrania 1:2

to e ndalo mogikgi, Wuowi owuon ema osebedonwa wach Nyasaye. En ema Nyasaye osekete wuon gik moko duto, kendo en ema osemiye chueyo gik moko duto.

Jo-Hibrania 11:3

Yie ema omiyo wang’eyo ni Wach Nyasaye ema nochueyo gik moko duto manie polo gi piny. Ne omiyo gik mantie owuok kuom gik maonge.

Jo-Hibrania 3:4

Jodhoot ka dhoot nigi kwargi, to wuon gik moko duto en Nyasaye.

2 Petro 3:5

To gitamore yie mar oyiem ni kata obedo ni polo osebetie nyaka nene, to Nyasaye nowuoyo mi piny obetie koa kuom pi, kendo pi ema ne ocheyego.

1 Johana 1:1

Wandikonu kuom Wach mar ngima, mosebetie a chakruok. Wasewinje kendo wasenene. Adier, wasenene gi wang’wa kendo lweta bende osemule.

Fweny 10:6

mi okuong’ore gi nying Jal mantie nyaka chieng’, kendo mane ochueyo polo gi piny gi nam kod gik moko duto manie igi. Nowacho niya, “Deko moro ok nochak obedie,

Fweny 14:7

Nokok matek niya, “Luoruru Nyasaye, kendo miyeuru duong’, nikech sa mong’adoe bura osechopo! Lamuru Jal mane ochueyo polo gi piny kaachiel gi nam kod sokni.”

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.

Fweny 22:13

An Alfa gi Omega, tiende ni Jal Mokwongo kendo Mogik, kendo Chakruok gi Giko.”

Fweny 3:14

“Ndik ni malaika mar kanyakla mar jo-Kristo man Laodikia niya, ‘Jal miluongo ni Amin, ma en janeno migeno kendo maradier, kendo chuech duto mag Nyasaye noa kuome wacho kama:

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”