Ayub 9:5 - MUMA MALER 2015

⁵ Oyiengo gode apoya, kendo omukogi gi mirimbe mager.

Motingʼo Loko Manyien

⁵ Ogolo gode kuonde ma gintie ka ok gingʼeyo kendo ongʼielogi ka en gi mirima.

Ayub 9:5 ပူးပေါင်းရင်းမြစ်များ

Ayub 26:6

Adier, Piny Joma Otho, Nyasaye neno, kendo onge gima mone nene.

Ayub 28:9

Ji baro lwendni marateke, kendo githulo gode gi tiendegi.

Ayub 34:25

nikech ong’eyo gik ma gitimo, omiyo oriembogi gotieno motiekgi.

Ayub 40:11

Eka irang jogo masungore, mondo iol kuomgi mirimbi mager, omi gibolre.

Ayub 41:11

Onge ng’ato e piny ngima manyalo monje, mi tony!

Zaburi 114:6

Un gode madongo, ere gimomiyo ne uchikoru ka diek? Koso un gode matindo, ang’o momiyo ne uchikoru ka rombe?

Zaburi 46:2

Kuom mano ok wanaluor kata ka piny yiengni, kendo gode mukore, mi lwar e kude mag nam,

Zaburi 68:8

piny noyiengni, kendo polo nomiyowa koth, nikech biro mari, yaye Nyasach Israel.

Isaya 40:12

En ng’a mane opimo pi nembe e chuny lwete, kata mane opimo duong’ mar polo gi lith lwete? En ng’a mane opimo lowo duto manie piny, kata mane opimo gode madongo gi matindo e ratil mak mana Ruoth Nyasaye?

Nahum 1:5

Gode madongo gi matindo tetni e nyime, kendo leny nono. Piny duto kod joma odakie bende tungni.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Habakuk 3:10

bende ka gode orangi, to tetni ka luoro omako. Ohula mwomo ka ridore, kendo nam matut wuo matek ka apaka gingore.

Habakuk 3:6

Ka ochung’ to piny yiengni, kendo ka ong’icho, to ogendini kirni, bende gode duto ma nyaka nene barore kendo nimo. Pod owuotho mana kaka ne owuotho chon.

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

Mathayo 21:21

To Yesu nodwokogi ni, “Awachonu adier ni, ka un gi yie, ma ok uriwo gi kiawa to un bende unutim gima otim ni ng’owoni. To ok mano kende ema nubed gi teko mar timo, to kata mana godni, kuwachone ni, ‘Mukri, inyumri e nam,’ to notimre mana kamano.

Mathayo 27:51

Gikanyono nanga mane ogeng’o Kama Ler mar Hekalu noriedore diere ariyo, chakre malo nyaka piny. Piny noyiengni, kendo lwendni nobarore.

Luka 21:11

Piny noyiengni matek, kendo kech gi tuoche nobedie kuonde mopogore opogore. Gik malich mabwogo ji, kod honni madongodongo bende notimre e polo mondo obed ranyisi.

1 Jo-Korintho 13:2

Kata da bed ni an gi mich mar hulo wach moa kuom Nyasaye, kendo ang’eyo midhierni kod rieko duto, kendo kata da abed gi yie mogik ma anyalo gologo gode kuonde ma gintie, to aonge gi hera, to ok an gimoro ngang’!

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Fweny 6:14

Polo noban ka kalatas, mi olal nono, kendo gode gi chulni duto nogol oa kuonde ma gintie.