Ayub 9:33 - MUMA MALER 2015

³³ Mad ng’ato bedie ma dithegwa gi Nyasaye, kata ma ding’adnwa bura e kindwa kode,

Motingʼo Loko Manyien

³³ Ka dine bed ni nitie ngʼato manyalo bedo jathek e kinda gi Nyasaye, kata ngʼato manyalo ngʼado bura e kinda kode,

Ayub 9:33 ပူးပေါင်းရင်းမြစ်များ

Ayub 33:23

Kamoro dipo ka achiel kuom malaika gana gi gana mag Nyasaye, maparo ni ng’ato tich monego oti, nyalo konye.

Ayub 9:19

Bende datem konyora githwon? To neye kaka oratego! Koso dadonjne? To ng’ama dichune mondo obi e bura?

Zaburi 106:23

Kuom mano Nyasaye nowacho ni obiro tieko joge, to Musa jatichne moyiero nochung’ e kinde gi ji, mondo ogeng’ mirimbe kik tiekgi.

Zaburi 139:5

Ilwora, mi iketa diere koni gi koni. Adier, irita gi tekoni maduong’.

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

1 Samuel 2:25

Ka ng’ato oketho ni wadgi, Nyasaye nobedne jathek, to ka ng’ato oketho ni Ruoth Nyasaye to ere ng’ama nokonye?” To ne gidagi winjo dwond wuon-gi, nimar Ruoth Nyasaye noseng’ado ni mondo githo.