Ayub 7:4 - MUMA MALER 2015

⁴ Ka adhi nindo, to piny ok ru piyo. Ajony otieno duto, kendo agombo ni piny oru.

Motingʼo Loko Manyien

⁴ Ka adhi nindo to piny ok runa piyo kendo aparora ni abiro aa malo sa adi? Piny budhona kapok oru, kendo apuodora koni gi koni nyaka okinyi.

Ayub 7:4 ပူးပေါင်းရင်းမြစ်များ

Ayub 17:12

Osiepena to wacho ni otieno en odiechieng’, kendo ni ler ni machiegni, kata obedo ni an e mudho kamano.

Ayub 30:17

Otieno to chokena muodore, kendo rem machamano ok nyal kue.

Zaburi 109:23

Achiegni lal nono ka tipo makadho. Adier, ahungora mana ka yamo mahungo bonyo.

Zaburi 130:6

Chutho, arito Nyasaye kaketo chunya, moloyo kaka jarit rito ru piny.

Zaburi 6:6

Kuyo osebara ndasi. Otieno ka otieno, pi wang’a opong’o kitandana.

Zaburi 77:4

Nyasaye ne ok we anindi, kendo ne aparora ma ok anyal wuoyo.

Isaya 54:11

“Winji, in Jerusalem, dala mosandi, ma ahiti oyiecho, mi odong’ gunda kokuyo, maonge ng’ama hoyo. Abiro keto mise mari gi kite motegno, mi ageri gi kite mabeyo.

Rapar mar Chik 28:67

Kihondkono gi gik mubiro neno, nomi uwach okinyi kokinyi ni, ‘Yaye! Mad obed odhiambo!’ To odhiambo kodhiambo unuwach ni, ‘Yaye! Mad obed okinyi.’