Ayub 7:11 - MUMA MALER 2015

¹¹ Ooyo, ok daling’! Mirima ohinga, kendo chunya lit, omiyo nyaka alosi.

Motingʼo Loko Manyien

¹¹ “Emomiyo ok anyal lingʼ; abiro wacho lit manie chunya, abiro nyiso pek ma an-go e chunya nikech mirima ma an-go.

Ayub 7:11 ပူးပေါင်းရင်းမြစ်များ

Chakruok 42:21

Ne giwuoyo e kindgi giwegi, ka giwacho niya, “Adier, owinjore wayud kum kuom gima ne watimo ni owadwa. Ne waneno kochandore malit, to kane waneno kochandore, ne ok wadewe, mano emomiyo koro wanie chandruok.”

Ayub 10:1

Aol gi bedo mangima, omiyo koro abiro hulo chandruokna duto, nikech chunya lit.

Ayub 10:15

Ka aketho, to alewo. To kata ka atimo maber, to ok ayud pak. Yaye, chunya lit, kendo wichkuot ohewa!

Ayub 13:13

Koro ling’uru mondo uwena thuolo awuo, kata gima nadi ema timore,

Ayub 16:6

To an to, kata ka aloso, kata ka aling’, to rem ma an-go ok rum.

Ayub 21:25

Ji moko to ok ne maber e ngimagi duto, kendo githo ka chunygi lit.

Ayub 23:2

“Pod adagi adaga, kendo aywak nikech Nyasaye ema hinya. Ok anyal weyo mak achur.

Ayub 36:21

Tang’ mondo kik idonj e richo, nimar chandruok ma in godono ne okelni mana ni mondo omi kik idonj e richo kendo.

Ayub 6:26

Ere gima omiyo umino koda wach, to wechena mag thagruok to ukwano mana ka yamo ma kudho?

Ayub 9:27

Ka atemo bwonjo mondo rem olalna,

Zaburi 39:3

mi chunya nopong’ gi parruok, kendo kane amedo paro wachno, chunya nomedo parore moloyo. Omiyo ne ok anyal medo ling’ mak apenjo Ruoth Nyasaye niya,

Zaburi 40:9

A Ruoth Nyasaye, asehulo wach maber e chokruok maduong’ ni in e jawar. Ing’eyo ni ok anyal mung’o wachno, yaye Nyasaye.

Isaya 38:15

Ere kaka dater ywakna ni Ruoth Nyasaye? Koso en ang’o ma dawachne, ka en owuon ema osetimona gigi duto? Abayo abaya koni gi koni engimana duto, nikech chandruok ma chunya nigo.

Isaya 38:17

Chutho, koro aseneno ni chandruok duto mane aseyudo konya, nimar iseresa e tho nikech herani. Bende isewito richona duto ka dieng’eyi.

Luka 22:44

Chunye nochandore malit ahinya, mi nomedo lemo matek, kendo luya nochotne maton piny mana ka remo.]

2 Jo-Korintho 2:4

Ne andikonu ka chunya okuyo kendo chandore ahinya, kendo ka pi wang’a chuer mang’eny, to ok ni mondo amiu chuny lit, to mana ni mondo ung’e hera maduong’ ma aherougo.

1 Samuel 1:10

Chuny Hana ne chandore, kendo nolamo Ruoth Nyasaye, koywakne malit.