Ayub 6:9 - MUMA MALER 2015

⁹ Adwaro mondo onega chuth,

Motingʼo Loko Manyien

⁹ kendo oyie otoya matindo tindo mi onega chuth.

Ayub 6:9 ပူးပေါင်းရင်းမြစ်များ

1 Ruodhi 19:4

To en owuon, nodhi e thim moromo wuodh ndalo achiel. Eka nobet e tiend yath moro, mokwayo Ruoth Nyasaye ni mondo otho, kowacho niya, “Oromo! Yaye Ruoth Nyasaye, kaw ngimana, nikech ok aber moloyo kwerena.”

Ayub 10:1

Aol gi bedo mangima, omiyo koro abiro hulo chandruokna duto, nikech chunya lit.

Ayub 11:20

To joma timbegi richo norang koni gi koni, ka luoro omako, nikech onge yo moro ma ginyalo tonygo, to tho kende ema ginigen ni biro tiekogi.”

Ayub 14:13

A Nyasaye, mad iyie ipanda e piny joma otho, mondo apond kuno nyaka mirimbi kue. Bang’e iket kinde ma ibiro parae kendo.

Ayub 19:21

Yaye un osiepena, ywagauru, nimar lwet Nyasaye oseketa piny.

Ayub 6:8

Mad Nyasaye timna gima akwaye! Ang’o momiyo ok otimna gima adwaro?

Ayub 9:21

Aonge gi ketho, to koro ok adew! Asin gi ngima mar pinyni, nikech pogruok onge,

Zaburi 32:4

A Ruoth Nyasaye, ne ikuma odiechieng’ gotieno, mi tekra ne oduono chuth, mana ka pi ma duno e ndalo oro.

Isaya 38:12

Osepudh oda, mi owit kucha, mana kaka ipudho kiru mar jakwath. A Ruoth Nyasaye, iseng’ado ngimana machiek mana kaka jatueng’o dolo usi, kendo ng’ado. Isanda, chakre okinyi nyaka odhiambo,

Jona 4:3

Omiyo koro kaw ngimana, A Ruoth Nyasaye. Da ber katho, moloyo bet mangima!”

Jona 4:8

Kane chieng’ owuok, Nyasaye nokelo yamb ugue maliet, mi chieng’ ochamo wi Jona, kendo nong’no otere. Kuom mano, nogombo mondo otho, kowacho niya, “Da ber katho, moloyo bet mangima.”

Fweny 9:6

E ndalo ma gigo notimre ji nodwar tho, to ok ginitho ngang’! Adier, ginigomb tho ahinya, to tho noringgi aringa!