Ayub 6:4 - MUMA MALER 2015

⁴ Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Motingʼo Loko Manyien

⁴ Aserni mag Jehova Nyasaye Maratego osechwoyo denda, ringra opongʼ gi kwiri marach ma asernigo okelo; kendo masiche mag Nyasaye olwora koni gi koni.

Ayub 6:4 ပူးပေါင်းရင်းမြစ်များ

Ayub 16:9

Nyasaye jako bedena gi embena ka en gi mirima mager, kendo ojwolona wang’e, ka osin koda.

Ayub 19:12

Ooro jolwenje mondo oked koda, kendo gilworo hemba koni gi koni mondo gimonja.

Ayub 20:16

Gima jaricho omwonyo chalo kwiri kendo nege mana ka gima thuol ema okaye.

Ayub 21:20

Adier, joricho mondo okum kuom richogi giwegi, eka ging’e mirimb Nyasaye.

Ayub 30:15

Kihondko dwaro nega, kendo duong’na olal ka yamo. Mwanduna bende oseduono ka boche polo.

Ayub 31:23

To adier ne ok anyal timo gima kamano, nikech aluoro kum malich ma Nyasaye kumogo ji.

Ayub 34:6

Bende owacho niya, ‘Ere kaka dariambi ni an jaketho? Kata obedo ni aseyudo rem malit kamano, to ok an jaricho.’

Ayub 7:20

In jang’i jini, ere gima obadhi ka atimo richo? Ang’o momiyo an ema inena, koso ere gima omiyo achando chunyi?

Ayub 9:17

Okuma malit kuom gima onge ndhathe, kendo omedo goya kayiem.

Zaburi 143:7

Dwoka sani, A Ruoth Nyasaye, nimar genona duto oserumo. Kik ipandna wang’i, nono to abedo e kanyakla mar jogo madhi e piny joma otho.

Zaburi 18:14

Nodiro mil polo ka aserni kokworogi koni gi koni.

Zaburi 21:12

Obiro chielogi gi aserni, mi gimuoch gi ng’uech.

Zaburi 38:2

Isebaya gi asere mi ichwowa, kendo lweti odiya piny.

Zaburi 38:3

Atuo malich nikech mirimbi. Denda duto tuo ogoyo nikech richona.

Zaburi 45:5

Aserni magi bitho, kendo hobo chuny wasiki. Ogendini podho apodha e tiendi.

Zaburi 7:13

Okawo gige mager mag lweny, kendo ochielo aserini mage maliel mach.

Ngeche 14:10

Chuny ng’ato ema ong’eyo gima litne, kata mor ma en go. Ng’at machielo to ok nyal ng’eyo.

Ngeche 18:14

Chuny man gi chir ema konyo ng’ato ka tuo. To ka chuny ng’ato ool to konye tek.

Isaya 28:19

Pile pile ohula nobi, mi yweru. Adier, noywou okinyi kokinyi, kendo odiechieng’ gotieno. Kuwinjo wachni, to unukirni,

Ywagruok 2:4

Oseywayo atung’e ka omako matek gi bade ma korachwich, mana ka jasigu. Osenego joma beyo duto mwahero, mi oolo mirimbe mager ka mach kuom jo-Sayun.

Ywagruok 3:3

An ema osanda kinde duto odiechieng’ ngima.

Mariko 15:34

kendo kar sa ochiko nogono, Yesu nokok matek niya, “Eloi, Eloi lama sabakthani?” tiende ni, “Nyasacha, Nyasacha, iweya nang’o?”

2 Jo-Korintho 5:11

Wang’eyo ni tiend luoro Ruoth en ang’o, emomiyo wayuayo ji. Nyasaye ong’eyo chutho ngimawa kaka chal, kendo ageno ni un bende ung’eyowa maber e chunyu maiye kaka wachal.

Rapar mar Chik 32:42

Anami asere maga chadhre gi remb joma onegi kod joma omaki. Liganglana nochadh jotend wasigu.

Ruth 1:20

To Naomi nowachonigi niya, “Kik uluonga ni Naomi, tiende ni Ng’ama Mor, to luongauru ni Malit, nikech Ng’ama Nyalo Gik Moko Duto osetimona malit ahinya.