Ayub 5:5 - MUMA MALER 2015

⁵ Ji modenyo chamo chamb ng’ama ofuwono koda ka mago ma dongo mana e kind kuthe, kendo mwandune miyo nyiego mako joma riyo oloyo.

Motingʼo Loko Manyien

⁵ Joma kech oloyo chamo chamb ngʼat mofuwono, nyaka mago madongo e kind kuthe, kendo joma riyo oloyo dwaro yako mwandune.

Ayub 5:5 ပူးပေါင်းရင်းမြစ်များ

2 Weche mag Ndalo 33:11

Emomiyo Ruoth Nyasaye nomiyo jotend jolweny mag ruodh Asuria odhi kedo kodgi. Ne gimako Manase gi olowu, kendo ne gitueye gi ratege mag mula, mi gitere Babulon.

Ayub 1:15

Eka wapo ka jo-Sabea omonjowa moyako jamnigo duto. Nende ginego jotichni duto pep, mak mana an kenda ema atony, omiyo abiro mondo anyisi.”

Ayub 1:17

Kane pok otieko wuoyo, jatich machielo notucho, mowacho niya, “Mony adek mag jo-Kaldai nende omonjowa, mokawo ngamia mawa, kendo onego jotichni duto, mak mana an kenda ema atony, omiyo abiro mondo anyisi.”

Ayub 12:6

To jokuo gi joma ok dew Nyasaye odak gi kue, kata obedo ni tekregi giwegi ema giloko Nyasachgi.

Ayub 2:3

Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Ayub 20:15

Nyasaye miyo jaricho dwoko mwandu ma osekwalo, mana ka ng’ama ng’ogo gima osechamo.

Ayub 20:22

Kata gik mang’eny opong’o dalane kamano, to achien none chandruok malich.

Ayub 22:10

Mano omiyo masiche olwori koni gi koni, kendo ipo nono ka luoro ohewi.

Zaburi 109:11

Joma osehole gik moko mondo omaye gige duto, kendo joma welo oyak mwandu duto mosekano.

Isaya 62:8

Ruoth Nyasaye osekuong’ore koting’o bade ma korachwich man gi teko, kowacho niya, “Ok nachak ayie wasiki kaw chambi ocham. Jopinje mamoko bende ok nochak omadh divai ma isetiyone matek.

Jeremia 51:34

Ruodh Babulon nokango Jerusalem mochamo. Osenyodho dalano, mobolo kucha mana ka agulu ma iye ni nono, kendo omwonye mana ka ondiek. Ne okawo mana gik mabeyo modwaro, to owito mago ma ok odwar.

Jeremia 51:44

Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Ywagruok 2:16

Wasiki duto yanyi marach kendo jari. Gisicho, kendo gigoyoni siboi ka giwacho niya, “Ero wasetieke! Ma e odiechieng’ ma wasebet kwarito! Adier, osechopo, mi wanene!”

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Rapar mar Chik 28:51

Ginicham jambu gi chambu, ma ok giweyonu cham kata divai kata mo kata mana chiayo moro kuom jambu nyaka urum.

Jong’ad Bura 6:11

Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.