Ayub 5:23 - MUMA MALER 2015

²³ Puotheni ok nobed gi lwendni e igi, kendo ondiegi ok nomonji.

Motingʼo Loko Manyien

²³ Nikech initim winjruok gi kite manie lowo, kendo le mag bungu nobed kodi gi kwe.

Ayub 5:23 ပူးပေါင်းရင်းမြစ်များ

Isaya 65:25

Ondiek kod rombo nokwa kaachiel kendo sibuor nocham lum mana ka dhiang’ Thuol to nocham mana lowo. Onge gima nohiny ng’ato kata ma noketh gimoro e gode maler duto. An Ruoth Nyasaye ema awacho kamano.”

Ezekiel 34:25

Anatim kodgi singruok makelonigi kue, bende anatiek ondiegi duto e piny, mondo romba obed gi kue, ka kwayo e thim, kendo nindo aninda e bungu.

Ezekiel 34:27

Yiendgi nonyag olembe, kendo puothegi nochieg cham, bende ng’ato ka ng’ato nodag gi kue e lope owuon. Ka achodo nyororo mane otuego joga, mi aresogi e teko mar joma ne olokogi wasumbni, to eka gining’e ni an e Ruoth Nyasaye.

Daniel 6:22

Nyasaye oseoro malaikane, mi omako dho sibuoche mondo kik hinya. Osetimo kamano nikech ong’eyo ni aonge gi ketho, to bende nikech pok atimo gimoro marach e nyimi ruoth.”

Hosea 2:18

“Bang’ mano anatim singruok gi le mae thim gi winy mae kor polo kod gik mamol e lowo ni kik gihiny joga. Eka natur atung’ gi ligangla kod gimoro amora mar lweny, mi aywegi oko e piny mondo joga odag gi kue.

Tim jo-Lawi 26:6

“Anakel kue e pinyu, mi ununind maonge luoro. Anatiek ondiegi e pinyu, kendo lweny ok nomi pinyu kethre.