Ayub 5:20 - MUMA MALER 2015

²⁰ Ka kech owuok, to enoriti ibed mangima, kendo kata ka lweny nitie, to enoresi e tho.

Motingʼo Loko Manyien

²⁰ Ka dera omako piny, to obiro resi e tho, kendo ka lweny gore to obiro resi e dho ligangla.

Ayub 5:20 ပူးပေါင်းရင်းမြစ်များ

Chakruok 45:7

Nyasaye noora motelonu mondo kik ulal, to mondo aresu ubed oganda maduong’.

1 Ruodhi 17:6

Agak ne kelone kuon gi ring’o okinyi godhiambo, kendo nomodho e aorano.

Zaburi 118:18

Osekuma malich miwuoro, to ok aseweyo atho!

Zaburi 144:10

Imiyo ruodhi locho, kendo ireso Daudi jatichni.

Zaburi 27:3

Kata ka oganda lweny maduong’ ema obiro mondo omonja, to ok dabed maluor, kendo kata ka an e lweny mager, to pod ageno mana kuom Nyasaye.

Zaburi 33:19

Oresogi e tho, kendo oritogi e ndalo kech.

Zaburi 37:19

Ok ginithagre ka piny rach, kendo ginibed gi cham moromogi e ndalo kech.

Zaburi 49:7

To ng’ato ok nyal warore owuon, bende ok onyal chulo Nyasaye gima dowargo ngimane,

Ngeche 10:3

Ruoth Nyasaye ok we kech neg ng’at makare. Jaricho to otuono gik modwaro.

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Jeremia 37:21

Omiyo ruoth Zedekia nogolo chik mondo otue Jeremia e laru mar od jorit. Ne imiye makati achiel odiechieng’ kodiechieng’ mogol kuom jolos makati, nyaka makati duto norumo Jerusalem. Kamano Jeremia nosiko asika kotue e laruno.

Jeremia 39:18

Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Habakuk 3:17

Kata obedo ni ng’owo ok thiew, kendo mzabibu gi zeituni ok nyagi, bende puothe ok chieg cham, kendo rombe gi dhok onge dala,

Mathayo 24:6

Unuwinj mahu mag lwenje man kuonde machiegni, kod wach lwenje man kuonde maboyo, to kik chunyu parre. Gik ma kamago nyaka timre, to mano ok onyiso ni giko mar piny osechopo,