Ayub 5:17 - MUMA MALER 2015

¹⁷ Ng’at ma Nyasaye kwero en jahawi, omiyo kik imak wach e chunyi ka Nyasaye okumi.

Motingʼo Loko Manyien

¹⁷ “En jahawi ngʼat ma Nyasaye kwero, omiyo kik icha kum mar Jehova Nyasaye Maratego.

Ayub 5:17 ပူးပေါင်းရင်းမြစ်များ

Ayub 11:13

Ayub, lok chunyi, mondo idwar Nyasaye.

Ayub 15:11

Ichayo hoch ma Nyasaye hoyigo, kaachiel gi weche mamuol ma isewinjo koso?

Ayub 36:15

To Nyasaye kelo ni ji chandruok mondo opuonjgigo, kendo omiyogi chuny lit mondo wang’gi oyepi.

Ayub 36:16

In Ayub, Nyasaye ne ogoli e thagruok, mi omiyi ibedo gi kue, kendo ne omiyi chiemo mang’eny mogundho.

Ayub 8:5

To in koro duogi ir Nyasaye Manyalo Gik Moko Duto.

Zaburi 118:18

Osekuma malich miwuoro, to ok aseweyo atho!

Zaburi 94:12

A Nyasaye, ng’at ma ichiko, kendo ipuonjo chikeni, en jahawi,

Jeremia 31:18

“Awinjo jo-Israel ka ywagore niya, ‘A Ruoth Nyasaye ne wachalo gi ruedhi masilwende ma ok obo, to ne iboyowa, mi wapie. Dwogwa, to wabiro dwogo nikech in Ruoth Nyasachwa.

Rapar mar Chik 8:5

To nyaka ung’e ni Ruoth Nyasaye ma Nyasachu ne rieyou mondo opuonju mana kaka ng’ato puonjo nyathine.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

Jakobo 5:11

nimar wakwano joma ohore mos nyaka giko ni gin johawi. Usewinjo bende kaka ne Ayubu ohore mos, kendo ung’eyo gik mane Ruoth omiye e giko, nimar Ruoth ng’won gi lala, kendo okecho ji.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.