Ayub 5:16 - MUMA MALER 2015

¹⁶ En ema omiyo joma odhier bedo gi geno, to joma parogi richo ling’ thi.

Motingʼo Loko Manyien

¹⁶ Omiyo joma odhier bedo gi geno, to joma timbegi mono omiyo lingʼ thi.

Ayub 5:16 ပူးပေါင်းရင်းမြစ်များ

Ayub 31:16

Pok asetamora konyo joma odhier, bende pok aweyo mond liete e thagruok marach,

Zaburi 107:42

Joma kare neno kamano, kendo gibedo mamor, to joricho duto dhogi moko.

Zaburi 63:11

Ruodhwa to nobed mail nikech Nyasaye, kendo jogo duto matimo singruok e nying Nyasaye bende nobed mamor. Jomriambo to noum dhogi!

Zaburi 9:18

Nyasaye ok nojwang’ jochan, kendo ok notiek geno mar joma ithiro.

Wuok 11:7

To jo-Israel biro bedo gi kue, ma kata mana guok ok nogue dhano kata chiayo.’ Kamano unung’e ni Ruoth Nyasaye oketo pogruok e kind jo-Misri gi jo-Israel.

Isaya 14:32

Koro ere dwoko ma onego mi joote mag ogandano? Dwokgiuru niya, “Ruoth Nyasaye osemiyo Sayun ogurore motegno, kendo kanyo ema joge ma jochan biro tonyie.”

Jeremia 39:11

To Nebukadnezar ruodh Babulon ne ooro wach ni Nebuzaradan jatend jolweny kowuoyo kuom Jeremia, kama:

Daniel 1:9

Nyasaye nomiyo Ashpenaz okecho Daniel, kendo obedone mang’won.

Zekaria 9:12

Un joma otue ma koro nigi geno, duoguru e dalau mochiel motegno. Ahulo ni abiro guedhou nyadiriyo kuom sand mane osandugo.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.