Ayub 5:11 - MUMA MALER 2015

¹¹ Adier, Nyasaye ema ting’o joma odhier malo, kendo oreso joma okuyo.

Motingʼo Loko Manyien

¹¹ Joma ni piny otingʼo malo, kendo ohoyo joma ywak.

Ayub 5:11 ပူးပေါင်းရင်းမြစ်များ

Ayub 22:29

Nyasaye tieko josunga, to oreso joma obolore.

Ayub 36:7

Orito joma kare, kendo omiyo gibedo gi loch ka ruodhi, bende omiyo giyudo duong’ nyaka chieng’.

Ayub 8:7

kendo mwandu ma obiro miyi nobed mang’eny, ma ok nyal pim gi mago mane olalni.

Zaburi 107:41

Oreso jochan kuom chandruokgi, kendo omiyo ginya mang’eny.

Zaburi 113:7

Ochungo joma odhier a e buru. Adier, ogolo jochan e pidh yugi,

Zaburi 91:14

Nyasaye owacho niya, “Anawar joma ohera, kendo nakony jogo mong’eya.

Ezekiel 17:24

Yien duto mae piny nong’e ni an Ruoth Nyasaye ema atong’o yien maraboche, to amiyo yien matindo dongo maboyo. Bende an ema amiyo yien mang’ich two, kendo amiyo yien motwo chako doko mang’ich. An Ruoth Nyasaye ema awacho kamano, kendo abiro timo gima asewacho.”

Luka 6:21

“Un johawi, un joma kech kayo ndalogi, nikech unuyieng’! “Un joma ywak ndalogi, un johawi, nikech ununyier!

Rapar mar Chik 33:27

Nyasaye mochwere ma nyaka chieng’ en kar daku, kendo bedene mochwere ema konyou. Noriembonu wasigu, mi ogolo chik mondo oneggi.

Jakobo 1:9

Ka Nyasaye oting’o owadwa moro modhier malo, to mondo obed mamor.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.