Ayub 42:8 - MUMA MALER 2015

⁸ Omiyo koro kaw ruedhi abiriyo gi imbe abiriyo, iter ni Ayub mondo utim go misango, upwodhrugo. Ayub biro lemonu, mi nawinj lemone, kendo ok nakuod wiu moromo gi fupu.”

Motingʼo Loko Manyien

⁸ Kuom mano, kaw rwedhi abiriyo gi imbe abiriyo mondo idhigo ir jatichna Ayub kendo utim misango miwangʼo pep ne un uwegi. Jatichna Ayub biro lamonu, kendo anawinj lemone ma ok anatimnu gima owinjore gi timbeu mofuwogi. Ok usewacho kuoma gik ma adier, kaka jatichna Ayub.”

Ayub 42:8 ပူးပေါင်းရင်းမြစ်များ

Chakruok 20:17

To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.

Chakruok 20:7

Koro dwok dhakono ni chwore. Chworeno en janabi, omiyo obiro lemoni mondo kik itho. To ka ok idwoke, to ibiro tho gi joodi duto!”

1 Weche mag Ndalo 15:26

Ne gitimo misango gi ruedhi abiriyo kod imbe abiriyo, nimar Nyasaye ne konyo jo-Lawi ma noting’o Sandug Muma mar Ruoth Nyasaye.

2 Weche mag Ndalo 29:21

Ne gikelo ruedhi abiriyo gi rombe abiriyo gi nyirombe abiriyo kod nyuogi abiriyo, mondo gitimgo misango mar golo richo mag dhood joka ruoth gi mag jodolo kod mag jo-Juda duto. Nochiko jodolo ma nyikwa Harun mondo otim kodgi misango e kendo-mar-misango mar Ruoth Nyasaye.

Ayub 1:5

Kane sawo ka sawo oserumo, Ayub ne chiew gokinyi mang’ich, kendo timo misango mondo opwodhgo nyithinde. Ne otimo kamano pile, koparo ni dipo ka achiel kuomgi oketho kuom yanyo Nyasaye gi chunye.

Ayub 1:8

Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Ayub 22:30

Obiro resi ka ionge gi ketho, kendo ka itimo gima kare.”

Ayub 35:8

Richoni hinyo mana ji weteni, kendo ber mitimo konyo mana gin.

Ayub 42:9

Kamano, Elifaz gi Bildad kod Zofar notimo gima Ruoth Nyasaye nowachonigi, mi Ruoth Nyasaye noyie gi lemo Ayub.

Zaburi 103:10

Bende ok okumwa maromre gi richowa, kata chulonwa kuor moromo gi timbewa mamono ok ochulnwa.

Wuok 18:12

Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Jeremia 14:11

Ruoth Nyasaye nowachona niya, “Kik ikwaya mondo akony jogi.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Ezekiel 14:14

To kata dabed ni ji adek ma Nowa gi Daniel kod Ayub odak kuno, to timbegi makare dires mana ngimagi giwegi kende. An Ruoth Nyasaye ema awacho kamano.

Ezekiel 45:23

To odiechieng’ kodiechieng’ mar ndalo abiriyo mag sawogo, nyaka ochiw ni Ruoth Nyasaye ruedhi abiriyo kod imbe abiriyo maonge songa, ka misango miwang’o pep. Bende nyaka ochiw nywok odiecheng’ kodiechieng’ ka misango mar golo richo.

Kwan 23:1

Eka Balam nowacho ni Balak niya, “Gerna kende abiriyo mag misango ka, kendo kelna ruedhi abiriyo gi imbe abiriyo.”

Kwan 23:14

Kamano ne otero Balaam e paw Zofim ewi got Pisga, kendo nogeroe kende abiriyo mag misango, mi ochiwoe rwath achiel gi im achiel e kendo ka kendo.

Kwan 23:29

Eka Balaam ne onyise mondo olosne kende abiriyo mag misango kanyo, kendo ochiw ruedhi abiriyo kod imbe abiriyo.

Mathayo 3:17

Eka duol nowuoyo gie polo niya, “Ma e Wuoda ma ahero. Chunya mor kode.”

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

2 Timotheo 4:14

Aleksander ma jatheth mula notimona marach ahinya, Ruoth chieng’ nochule kuom gik mane otimona.

Jo-Hibrania 10:4

nikech remb ruedhi gi remb diek ok nyal golo richo.

Jo-Hibrania 7:25

Kuom mano en gi teko mochwere mar reso jogo makadho kuome kasudo ir Nyasaye, nikech ongima nyaka chieng’ mondo okwanigi Nyasaye.

Jakobo 5:14

Bende ka nitie ng’ato matuo, to onego oluong jodong kanyakla mar jo-Kristo mondo olemne, kendo owire gi mo e nying Ruoth.

Jakobo 5:16

Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

1 Johana 5:16

Ka ng’ato oneno wadgi katimo richo ma ok kel tho, to mondo olamne Nyasaye, to Nyasaye biro miyo owadgino ngima. Mano timore mana ni joma osetimo richo ma ok kel tho. To nitie richo makelo tho. Ok awachi ni mondo olem ni ng’at mosetimo richo ma kamano.

1 Johana 5:6

Yesu Kristo e jal mane obiro gi pi mar batisone, kod remo mar thone. To winjuru ni ne ok obiro gi pi kende, to nobiro gi pi kod remo. Roho owuon nyiso ni mano en adier, nikech Roho e adiera.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.

1 Samuel 25:35

Eka Daudi nokawo gik mane Abigail okelone, mi owachone niya, “Dog dala gi kue. Asewinjo gima ikwayo, kendo ayiego.”