Ayub 42:6 - MUMA MALER 2015

⁶ Omiyo wiya okuot kuom gigo duto ma asewacho kendo achara kenda awuon, ka abet e lowo gi buru.”

Motingʼo Loko Manyien

⁶ Kuom mano, achayora ahinya kendo ahulo richona ka bet piny kendo abukora gi buru.”

Ayub 42:6 ပူးပေါင်းရင်းမြစ်များ

Chakruok 18:27

Ibrahim nomedo wacho ni Ruoth Nyasaye niya, “Yie ing’wonna kuom wuoyo kodi kamano, nikech an mana dhano adhana ma ok owinjore wacho gimoro.

1 Ruodhi 21:27

Kane Ahab owinjo wechego, noyiecho lepe, morwako pien gugru e dende. Notueyo chiemo, monindo e pien gugru, kendo nodembore koboch.

Ezra 9:6

“A Nyasachwa, wiya okuot ma ok anyal hedhora ting’o wiya malo, nimar wasenyumore e richo, kendo kethowa osebedo maduong’, motundo e polo malo.

Ayub 2:8

Ayub nodhi mobet e buch kendo, mi okawo mbalatago mondo ogwonyrego.

Ayub 30:19

Owita piny e chuodho, mi alokora buru.

Ayub 42:5

Nyocha abet ka ang’eyo mana gima ji moko nono osewacho kuomi, to koro aseneni gi wang’a awuon.

Ayub 42:7

Bang’e kane twak Ruoth Nyasaye gi Ayub oserumo, Ruoth Nyasaye nowacho ni Elifaz niya, “Akecho kodi kaachiel gi osiepeni ariyo, nikech un ne ok uwacho adiera kuoma, kaka jatichna Ayub notimo.

Ayub 9:31

to Nyasaye diwita e bur yugi, mi athing’ kata mana lepa!

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Isaya 5:5

Koro chikuru itu, mondo uwinj gima abiro timo ni puotha mar mzabibu. Abiro pudho chiende oko, kendo abiro muko ohingane, mi dhok gi le nokwaye kendo nonyone piny.

Isaya 58:5

Uparo ni kit tueyo chiemo ma ayiego en mana sando ringruok, ka ng’ato okulo wiye piny ka togo, kata ka onindo e pien gugru mopedho e buru? Koso mano e gima uluongo ni tueyo chiemo adier? Koso mano e chieng’ ma an Ruoth Nyasaye ayiego?

Jeremia 31:19

Kata obedo ni ne wabaro mi waweyi, to piyopiyo nono ne wadwaro duogo. Kane isekumowa, to ne wakulo wiwa kwakuyo. Wiwa ne okuot ka chunywa lit, nikech richo mane watimo kapod wayom.’

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Ezekiel 20:43

Bang’e unupar timbeu maricho mane udhogorugo, mi unucharu kendu nikech richo mane utimogo.

Ezekiel 36:31

Unupar timbe mamono mane utimo, mi unucharu kendu nikech richou kod timbeu makuero.

Ezekiel 6:9

To ginipara kuonde motergie e tuechgo mi ging’e ni ne asekumogi mana ni mondo wigi okuodi, nikech chunygi marach oseweya, mi gihero nyiseche manono moloya. Ginichare kendgi nikech timbe maricho kendo makuodo wich ma gisetimo.

Daniel 9:3

Bang’e ne alamo Ruoth Nyasaye matek, kaywakne kendo ka ariyo kech. Bende ne arwako pien gugru, kendo ne abuko wiya buru.

Tim jo-Lawi 13:12

To ka tuono nenore ni jadolo ka gima olandore motieko dend ng’atno duto,

Mathayo 11:21

Nowachonigi niya, “Yaye, un jo-Korazin! Mano kaka unune malit! Yaye, un jo-Bethsaida! Mano kaka un bende unune malit! Dine bed ni honni mane otimnu ne otim mana ne jo-Turo gi jo-Sidon, to dikoro ne giseloko chunygi, mi girwako piende gugru, kendo gibukore gi buru!

Luka 10:13

“Yaye, Un jo-Korazin! Mano kaka unune malit! Yaye, un jo-Bethsaida! Mano kaka un bende unune malit! Dine bed ni honni mane otimnu, notim mana ni jo Turo gi jo-Sidon, to dikoro ne giseloko chunygi, mi gibet piny ka girwako piende gugru, kendo gibukore buru.

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.