Ayub 42:12 - MUMA MALER 2015

¹² Achien Ruoth Nyasaye noguedho Ayub moloyo kaka noseguedhe e ndalo mokwongo. Ayub koro ne nigi rombe alufu apar gang’wen, gi ngamia alufu auchiel gi dhok alufu ariyo, kod kenje alufu achiel. Ne en gi yawuowi abiriyo gi nyiri adek.

Motingʼo Loko Manyien

¹² Jehova Nyasaye nogwedho higni machien mag ngima Ayub moloyo kaka nogwedhe mokwongo. Ne en gi rombe alufu apar gangʼwen, ngamia alufu auchiel, rweth pur alufu achiel, kod punde alufu achiel.

Ayub 42:12 ပူးပေါင်းရင်းမြစ်များ

Chakruok 24:35

Ruoth Nyasaye oseguedho ruodha ahinya, mi osedoko ng’ama duong’. Osemiye rombe gi diek kod dhok mang’eny, kod fedha gi dhahabu, kaachiel gi wasumbni machwo gi mamon, kod ngamia gi kanje.

Chakruok 32:14

diek mia ariyo ma nyibuche, gi nyuogi piero ariyo, kod rombe mia ariyo, gi imbe piero ariyo,

Ayub 1:10

Donge irite maber, kaachiel gi joode kod gimoro amora ma en go? Iguedho gik moko duto motimo, kendo isemiye dhok mopong’o piny.

Ayub 1:2

Nonywolo yawuowi abiriyo gi nyiri adek,

Ayub 1:3

kendo ne en gi rombe alufu abiriyo gi ngamia alufu adek gi dhok alufu achiel kod kenje mia abich. To bende ne en gi jotich mogundho. Kamano ne en ng’at momewie moloyo ji duto ma nodak e pinje man yo wuok chieng’.

Ayub 8:7

kendo mwandu ma obiro miyi nobed mang’eny, ma ok nyal pim gi mago mane olalni.

Zaburi 107:38

oguedho joge, komiyo ginya mathoth, kendo ok oyie mondo jambgi odog piny.

Ngeche 10:22

Gueth moa kuom Ruoth Nyasaye ema kelo ni ng’ato mwandu, kendo mwandu makamano ok kel parruok.

Eklesiastes 7:8

Giko mar gimoro ber moloyo chakruokne. Horuok bende ber moloyo sunga.

Ezekiel 36:11

Anami ji kaachiel gi jamni medre, kendo unubed mang’eny kaka ne un chon, mi ubed gi nyithindo mathoth. Unudag kuno kaka ne udak chon, mi ami udhi nyime maber moloyo. Eka unung’e ni an e Ruoth Nyasaye.

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

Jakobo 5:11

nimar wakwano joma ohore mos nyaka giko ni gin johawi. Usewinjo bende kaka ne Ayubu ohore mos, kendo ung’eyo gik mane Ruoth omiye e giko, nimar Ruoth ng’won gi lala, kendo okecho ji.