Ayub 42:11 - MUMA MALER 2015

¹¹ Owete Ayub duto, gi nyiminene kod osiepene machon, ne obiro lime, mi ochiemo kode e ode. Ne giywage, mi gihoyo chunye kuom thagruok ma yandi Ruoth Nyasaye osekelo kuome, kendo moro ka moro nomiye pesa kod tere mar dhahabu.

Motingʼo Loko Manyien

¹¹ Owetene gi nyiminene kod ji duto mane ongʼeye mokwongo nobiro mochiemo kode e ode. Ne gihoye kendo gidwogo chunye kuom chandruok duto mane Jehova Nyasaye osekelone, kendo moro ka moro kuomgi nomiye pesa moko kod tere mar dhahabu.

Ayub 42:11 ပူးပေါင်းရင်းမြစ်များ

Chakruok 24:22

Kane Rebeka osetieko omo pi ni ngamia, ng’atno nokawo tere mar um ma nengone tek, moketo e um Rebeka, kaachiel gi bangli ariyo mag dhahabu ma pekgi oromo achiel kuom apar mar kilo, moketo e bade.

Chakruok 24:53

Eka nomiyo Rebeka gik moko mag fedha gi mag dhahabu, kaachiel gi lewni. Owadgi Rebeka kod min-gi bende nomiyo chiwo moko ma nengogi tek.

Chakruok 37:35

Yawuote gi nyige duto notemo hoyo chunye, to nodagi hore. Nowacho niya, “Abiro ywago wuoda nyaka atho alu bang’e.” Kamano e kaka Jakobo noywago Josef wuode.

Ayub 16:5

Bende da ang’adonu rieko ma ategogo chunyu, kendo dikoro athoro weche mondo ahougo!

Ayub 2:11

Osiepe Ayub adek, ma Elifaz ja-Teman gi Bildad ja-Shua kod Zofar ja-Nama nowinjo kaka Ayub osebedo gi thagruok. Omiyo ne giparo ni mondo gidhi gilime, kendo giho chunye.

Ayub 4:4

Wecheni ne siro joma ochwanyore ma dwaro podho, kendo ne irieyo chongegi monyosore.

Ngeche 14:20

Onge ng’ama ohero jachan. Jomwandu to nigi osiepe mathoth.

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Johana 11:19

omiyo jo-Yahudi mang’eny nobiro duogo chuny Maritha gi Maria kuom tho owadgi.

Jo-Rumi 12:15

Beduru mamor gi joma mor, kendo ywaguru gi joma ywak.

1 Jo-Korintho 12:26

Ka fuonni achiel lit, to fuoni duto lit, kendo ka fuonni achiel omi duong’, to fuoni duto bedo mamor kaachiel kode.

Jo-Hibrania 12:12

Emomiyo jing’uru bedeu mobengore kod chongeu monyosore.

Jo-Hibrania 13:3

Paruru joma nie jela, mana ka gima un bende otueu kodgi. Joma chandore bende paruru mana ka gima un bende un kodgi.

Joshua 24:32

Choke Josef mane jo-Israel ogolo Misri, noyik Shekem, e lowo mane Jakobo ong’iewo gi yawuot Hamor wuon Shekem kuom siling’ mia achiel. Achien lowono nobedo mar joka Josef.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.