Ayub 41:14 - MUMA MALER 2015

¹⁴ Ere ng’ama dimi ong’am dhoge, ma leke malich oriedoe?

Motingʼo Loko Manyien

¹⁴ En ngʼa manyalo hedhore yawo dhoge, dhoge ma lekene mabitho kendo lich oridoe?

Ayub 41:14 ပူးပေါင်းရင်းမြစ်များ

Ayub 38:10

Ne aketo tong’ ni nam, mi alorone dhorangeye.

Ayub 41:13

Onge ng’at manyalo yang’o piene, kata ma dituch sare ma ogeng’o dende.

Ayub 41:15

Dier ng’eye olos gi sare, moriedo machalo okumbni motue kanyakla, kendo matek ka lwanda.

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Zaburi 58:6

A Ruoth Nyasaye, muk lekegi. Ee, tur leke sibuoche magergi!

Ngeche 30:14

Nitie ji moko ma lekegi chalo ligangla. Gichamo joma odhier kod joma chandore duto manie piny, mi gitiek pep.

Eklesiastes 12:4

Itu nobed modinore ma ok unyal winjo koko ma ji goyo e wang’yore. Bende ka pong’ rego, kata ka thum ywak to ok unuwinj maber. To kata kamano, kata mana ywak winyo nochiewu e nindo.

Daniel 7:7

Bang’ mano, kane pod aleko, ne achako aneno ondiek mar ang’wen. Ne onenore malich ahinya, kendo ne en gi teko mang’eny. Bende ne en gi leke madongodongo mag chuma, kendo ne osiko ochiemo achiema konyono gimoro amora modong’ e piny. En ne ok ochal gi ondiegi adek mamoko ka, kendo ne en gi tunge apar.