Ayub 41:10 - MUMA MALER 2015

¹⁰ Ka ng’ato okwinye, to oger malich, kendo onge ng’at ma dihedhre chung’ e nyime.

Motingʼo Loko Manyien

¹⁰ Onge ngʼato angʼata manyalo hedhore mar kwinye. Koro en ngʼa madihedhre chungʼ e nyima?

Ayub 41:10 ပူးပေါင်းရင်းမြစ်များ

Chakruok 49:9

Juda, in nyathi sibuor. Inego le, eka idok kari midakie. Juda, ichalo sibuor moriere kendo onindo piny, maonge ng’ama hedhore chiewo.

Ayub 3:8

Ajuoke mondo okuong’ odiechiengno. Ee, mana joma olony kuom golo chik ni Levayathan, mi winjgi, ema mondo okuong’e!

Ayub 3:9

Otienono kik lokre odiechieng’, kendo sulue mar okinyi kik rieny, kata ng’amba bende kik ng’ol.

Ayub 40:9

Bende iratego ka an adier? Koso dwondi bende chal gi mara ma mor ka polo?

Ayub 41:9

Ng’ato ang’ata moneno nyang’no, bwok mi gore piny.

Ayub 9:4

Nyasaye riek malich, kendo en gi teko, ma onge ng’ama nyalo piem kode, mi loye.

Jeremia 12:5

Ruoth Nyasaye nowachona niya, “In Jeremia, ka ringo gi ji oseoli, to koro ere kaka dipiem gi farese? Ka piny maber midakieni ema iywagorie, to ere kaka ibiro betie bungu mandiwa manie geng Jordan?

Jeremia 49:19

Anabi mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Edom mwomre gi ng’uech kaa. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda? En ruoth mane ma dikwer wachna?

Jeremia 50:44

“An Ruoth Nyasaye abiro biro mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Babulon mwomre gi ng’uech kawuok e dalagi. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda. Jatelo mane ma dikwer wachna?

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?