Ayub 40:8 - MUMA MALER 2015

⁸ In itemo nyiso ni bura ma aseng’ado ok ni kare? Koso idwaro nyiso ni an ema aseketho, mondo in ineri ka ng’ama ni kare?

Motingʼo Loko Manyien

⁸ “Angʼo momiyo iketho adiera mara? Angʼo momiyo iketo rach kuoma mondo in inenri ka ngʼama ber?

Ayub 40:8 ပူးပေါင်းရင်းမြစ်များ

Ayub 10:3

Bende en gima ber kibedo makwiny, kendo kijaro gima in iwuon ema ichueyo? To eka ibuonjo kineno rieko ma joma richo ng’ado!

Ayub 10:7

To chutho ing’eyo ni aonge gi ketho, kendo aonge gi ng’ato ma diresa kuomi.

Ayub 13:18

Aikora mar yalo, nikech ang’eyo ni achung’ e adiera.

Ayub 16:11

Nyasaye osejwang’a e lwet joma timbegi richo.

Ayub 19:6

To Nyasaye ema oseng’adona bura ma ok ni kare, kendo en ema ochikona obadho mondo amokie!

Ayub 32:1

Bang’ mano, ji adekgo noweyo dwoko Ayub, nikech ne osiko koparo mana ni ok en jaketho.

Ayub 32:2

Eka ng’at moro ma nyinge Elihu ne mirima omako, nikech Ayub ne chwakore kende ni en kare, ni to Nyasaye e jaketho. (Elihu ne en wuod Barakel nyakwar Buz ma ja-Ram.)

Ayub 34:17

Iparo ni ng’ama mon gi adiera nyalo bedo gi loch? Koso in ichayo Nyasaye makare?

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Isaya 14:27

nimar ka Ruoth Nyasaye Manyalo Gik Moko Duto ema ochano gimoro to ere ng’ama ditame, kendo ka en ema orieyo bade to ere ng’ama dimi odwok bade piny?

Isaya 28:18

mi winjruok mane utimo gi tho, kethre, kendo singruok mane utimo gi Piny Joma Otho, rum. Pi mabubni noywo gik moko, mi unuchal gi piny ma ohula omwomo!

Isaya 43:26

Parnauru gik mane otimore chon, mondo wapim wach kaachiel. Wachuru wecheu ane, manyiso ni uonge gi ketho.

Isaya 45:9

Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’?

Jo-Rumi 3:4

Ooyo, ok kamano ngang’! Nyasaye nyaka bed jaadiera, kata obedo ni ji duto gin jomriambo, mana kaka Muma wacho ni, “A Nyasaye, in ema nyaka inenri ng’ama kare kiwuoyo, to bende kiyali, to nyaka ilo bura.”

Jo-Galatia 3:15

Owetena, weuru amiue ranyisi mar gima timore pilepile. Ka ji ariyo otimo winjruok mi osingore, to onge ng’ama nyalo ketho winjruokgino, kata medoe wach moro, kata obedo ni en mana winjruok mae kind dhano gi dhano kamano.

Jo-Galatia 3:17

Tiend gima awacho e ma: Nyasaye notimo winjruok, mi osingore ni norit winjruokno. Kuom mano, Chik mane obiro bang’ higni mia ang’wen gi piero adek ok nyal ketho winjruokno, kendo mi singruok mane Nyasaye otimo bed kayiem nono,

Jo-Hibrania 7:18

Chik machon osegol oko nikech oonge teko kendo ok onyal konyo gimoro,