Ayub 4:19 - MUMA MALER 2015

¹⁹ koro ere kaka dogen dhano ma ochwe mana gi lowo, kendo molos mana gi buru, ma inyalo ng’inyo ka oguyo?

Motingʼo Loko Manyien

¹⁹ to koro ere kaka dodew dhano molos gi lowo, ma mise mag-gi en mana buru, ma inyalo duny marum mana ka oguyo!

Ayub 4:19 ပူးပေါင်းရင်းမြစ်များ

Chakruok 18:27

Ibrahim nomedo wacho ni Ruoth Nyasaye niya, “Yie ing’wonna kuom wuoyo kodi kamano, nikech an mana dhano adhana ma ok owinjore wacho gimoro.

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Ayub 10:9

A Nyasaye, par ni ne ichweya kuom lowo, to bende didwoka e lowo adier?

Ayub 13:12

Ngecheu kod weche muchwakorugogo onge gi ndhathgi.

Ayub 13:28

An ema iranga, to aorora mana ka yien motop, kata ka law ma olwenda ochamo.

Ayub 14:2

Odongo kendo onur piyo, mana ka maua, bende olal nono ka tipo makadho.

Ayub 22:16

Joma luwo yore ma kamago tho ka pok ndalogi ochopo, ka gima ohula oyuoyogi.

Ayub 25:6

to koro dhano mana ma kudni akudani, to dichal nade e nyime?”

Ayub 33:6

In Ayub, wachalre kodi e nyim Nyasaye, nimar waduto ne ochwewa mana gi lowo.

Zaburi 146:4

nikech ka githo, to gidok e lowo, kendo chieng’ onogo gik moko duto mane gichano timo, orumo!

Zaburi 39:11

Ka ikwero ng’ato, to mano e kum ma ikumego kuom richone, kendo iketho gige mabeyo mana kaka biye ketho gik moko. Adier, dhano en mana gima nono ka yamo makudho.

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.