Ayub 39:5 - MUMA MALER 2015

⁵ En ng’a mane ogonyogi momiyo gibayo abaya?

Motingʼo Loko Manyien

⁵ “En ngʼa mane ogonyo kanyna e bungu? En ngʼa mane ogonyo tonde mane otweyego?

Ayub 39:5 ပူးပေါင်းရင်းမြစ်များ

Chakruok 16:12

To wuodino nochal gi le mae thim. Nobed mamon gi ji duto, kendo ji duto nobed mamon kode, bende nodag mabor gi wedene duto.”

Chakruok 49:14

“Isakar en kanyna maratego, monindo e kind misikene.

Ayub 11:12

Ka kenje thim inyalo nywolo ka muol, to kara joma ofuwo bende nyalo timo timbe mariek!

Ayub 24:5

Kuom mano, joma odhier manyo chiemo e thim, mana ka kanj thim. Onge kamachielo ma ginyalo yudoe chiemo ni nyithindgi.

Ayub 39:10

Bende inyalo tueye e kwer mondo opurni puothi?

Ayub 39:4

Nyithindgi dongo adonga e thim, to ka gisedoko motegno, to giweyo minegi, kendo ok gichak giduogi.

Ayub 6:5

Kanyna ka chamo lum to oling’ thi, kendo dhiang’ bende ka chiemo to ok oywagi.

Zaburi 104:11

Kamano le ma e bungu yudo pi modho, kendo magwar nego riyo mohewogi.

Isaya 32:14

Ji noring owe udi mabeyo madongodongo duto, mi dala ma yande ji thothie nodong’ nono. Nobed lek maber ni le mae thim, kendo jamni bende nokwae. Kuonde moting’ore mochiel motegno mag siro lweny, kod kuonde maboyo mag rito, nolokre thim kuom ndalo mang’eny,

Jeremia 14:6

Kenje mag thim chung’ ewi gode, kendo gamo yueyo mana ka bwe. Wengegi wingni nikech lum onge.

Jeremia 2:24

To uchalo kanj thim ma ok nyal geng’ kadwaro thuondi. Onge thwon manyalo thagore ka dware, nikech yude yot ka kinde miluwee ochopo.

Daniel 5:21

Ne oriembe oa kuom ji, mi parone olokore ka paro le. Bende ne odak gi kenje manie thim, mi ochamo lum gi dhoge ka dhiang’, kendo ne onindo oko ka tho omoko kuome. To achien noyie gi Nyasaye Maduong’ Moloyo ema nigi loch e pinje duto ma e piny, kendo en ema oketo ng’ato ang’ata modwaro bedo ruoth.

Hosea 8:9

Gisedhi Asuria mondo giyudie konyruok, ka gichalo kanj thim moringo oa e kweth, kendo gitimo mana gima gin ema gidwaro. Adier, jo-Israel oseng’iewore kuom ogendini mamoko mondo okonygi.