Ayub 39:27 - MUMA MALER 2015

²⁷ Koso in ema ongo rito chikni, eka oger ode malo ewi got?

Motingʼo Loko Manyien

²⁷ Bende inyalo chiko ongo mi fu kochomo polo, kata miyo oger ode ewi yien?

Ayub 39:27 ပူးပေါင်းရင်းမြစ်များ

Ayub 39:26

In ema ipuonjo otenga huyo, koyaro buombene kochomo yo milambo?

Ayub 39:28

Ogero ode ewi lwendni maboyo moloyo, kendo wi gode mabitho ema oloko kare mar siro wasigu.

Zaburi 103:5

En ema omiya gik mabeyo mogundho e ngimana, omiyo anenora ng’ama pod tin, kendo man gi teko ka sibuor, kata ka ongo.

Wuok 19:4

‘Nuneno gima natimo ni jo-Misri, kendo kaka nakelou ira, ka ating’ou kaka ongo ting’o nyithinde e bwombe.

Ngeche 23:5

to bed mariek nimar pesani nyalo lal ka diemo wang’, mana ka gima en gi buombene ma ohuyogo ka ongo.

Ngeche 30:19

Mokwongo en kaka ongo huyo e kor polo, mar ariyo en kaka thuol mol e lwanda, mar adek en kaka yie kwang’ e dier nam, to mar ang’wen en kaka wuowi sero nyako.

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Jeremia 49:16

Sunga ma un go osewuondou, to chutho onge ng’ama oluorou kaka uparono. Udak malo e lwendni morokore manie wi gode maboyo. To kata obedo ni udak malo mabor kaka ongo kamano, to Ruoth Nyasaye biro lorou piny. Ruoth Nyasaye ema owacho kamano.”

Hosea 8:1

Ruoth Nyasaye wacho niya, “Go tung’, nikech wasigu yako Hekalu mara, mana ka otenga mayudho nyagweno! Joga oseketho singruok mane atimo kodgi, kendo gisedagi winjo puonjna.

Tim jo-Lawi 11:13

Winy ma nyaka kuer e magi: Ongo gi koga gi kwasi

Obadia 1:4

To kata bed ni ugero dalau midimidi malo ka od ongo, mi uchal mana gi joma odak e kind sulwe kamano, to abiro dwokou piny.” Ruoth Nuasaye omedo wacho niya,