Ayub 39:11 - MUMA MALER 2015

¹¹ Bende inyalo geno kuom tekone mathothno, mi iwe ni obiro tiyo tijeni madongo?

Motingʼo Loko Manyien

¹¹ Bende diket genoni kuom tekone mangʼenygo? Bende inyalo weye ne tiji matek mondo otimni?

Ayub 39:11 ပူးပေါင်းရင်းမြစ်များ

Chakruok 1:26

Eka Nyasaye nowacho niya, “Koro wachue dhano e kido machal kodwa. Enobed gi teko kuom rech gi winy gi jamni kod gik mamol duto.”

Chakruok 1:28

mi noguedhogi, kowachonigi niya, “Beduru gi nyithindo mang’eny, kendo upong’ piny.”

Chakruok 42:26

Eka ne giketo cham e ng’e kenjegi, mi gia.

Chakruok 9:2

Le duto mae piny, kod winy duto mae polo, gi gik moko duto mamol e lowo, kaachiel gi rech mae nam, noluoru, kendo aketogi e luetu.

Ayub 39:10

Bende inyalo tueye e kwer mondo opurni puothi?

Ayub 39:12

Iparo ni onyalo keyoni, mi ochok cham okel dala?

Zaburi 144:14

Dhowa bende mondo onywolre mang’eny, maonge mobuogo kata motho. Onego nduru moro kik gore e gweng’wa.

Zaburi 147:10

Teko mar farese kata teko mar jolweny, ok ema mi Nyasaye mor,

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Ngeche 14:4

Kionge gi dhok ma puroni to ok iyud chiemo maber, to ka in gi dhok ma puroni to ibedo gi cham mang’eny.

Isaya 30:16

mi uwacho niya, “Ooyo, wabiro idho farese mondo waringi.” To mano ber, ringuru aringa, uyombi, kunyalo! To kata obedo ni uringo matek manade, to wasiku biro ringo matek mi juku.

Isaya 30:6

Wach mane Nyasaye onyiso e fweny kuom ondiegi manie piny milambo ema: “Jooteugo kadho e piny ma masira gi parruok malit opong’o, kama sibuoche mamon nitie, kendo sibuoche machwo rutoe, bende kama thuonde mager mahuyo odakie. Kenje gi ngamia oting’o mwandugi, ka gitero ni oganda ma ok nyal konyou.

Isaya 46:1

Nyiseche Babulon ma Bel gi Nebo okulore piny ka luoro omako. Yande ji ting’ogi ating’a ka miyogi duong’, to koro kenje gi jamni ema oting’ogi, ka gilokore ting’ maturo jamni mool!

Kwan 23:22

Nyasaye, ma nogologi e piny Misri, tekone chalonigi gi teko jowi.