Ayub 38:28 - MUMA MALER 2015

²⁸ Bende koth machue, kata tho mamoko e lum, nigi wuon-gi?

Motingʼo Loko Manyien

²⁸ Koth bende nigi wuon mare? Wuon thoo mamoko e lum en ngʼa?

Ayub 38:28 ပူးပေါင်းရင်းမြစ်များ

Chakruok 27:28

Nyasaye mondo okelni koth moa e polo, mondo puotheni obed momew kendo iyud cham gi divai mogundho.

Chakruok 27:39

Eka Isaka nowachone niya, “Inidag e piny motimo ongoro, kendo puotheni ok noyud koth moa e polo.

2 Samuel 1:21

Un gode mag Gilboa, kik tho mok kuomu. Un puothe mag kuoyo, kik koth chue kuomu, nikech kuondegoo ema kuodi mag joma rateke odong’ie, ka kethore, kaachiel gi kuod Saulo, ma koro ok owir gi mo.

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

Ayub 29:19

Ne achalo yath ma opidhi kama ng’ich, kendo mayudo koth pile.

Ayub 36:27

Nyasaye ema kawo pi e nam, to loko koth machue.

Ayub 36:28

Omiyo koth chue ni ji koa e boche polo.

Ayub 38:8

En ng’a mane oloro dhorangaye mondo ogeng’ nam, kane omwomo, mowuok ei piny?

Zaburi 147:8

Oyaro boche polo e kor polo, kendo okelo koth e piny, lum bende omiyo loth e gode.

Ngeche 3:20

Riekone ema nomiyo aore omol, kendo ema ne omiyo koth ochue e piny.

Jeremia 10:13

Omiyo pi man e tok polo wuo, kendo otugo boche polo e tung’ piny duto. Bende omiyo polo mil ka koth chue, kendo ogolo yamo kar kenone mondo okudhi.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 5:24

Ne ok uwacho e chunyu niya, ‘Ber waluor Ruoth Nyasachwa, ma miyowa kodh chwiri gi kodh opon e kinde mowinjore, kendo ma miyowa kinde mwakeyoe higa ka higa.’

Hosea 14:5

Abiro chalo ni jo-Israel kaka koth e piny motwo. Gibiro moyo ka maua, kendo tiendegi biro kar ka yiend Lebanon.

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Rapar mar Chik 33:13

Kuom joka Josef to nowachoe niya, “Ruoth Nyasaye onego guedh lopgi, gi chiwo maber moa e polo malo, kaachiel gi pi manie bwo piny,

Rapar mar Chik 33:28

Kamano jo-israel odak gi kue. Adier, nyikwa Jakobo odak maonge ng’ama thagogi e piny machiego cham gi divai, kama tho moa e polo tonie maber.