Ayub 38:11 - MUMA MALER 2015

¹¹ Eka ne anyise niya, ‘Ka eri ema igikie, ma kik ikadhi! Apakani madongogo nyaka gik mana kaeri.’

Motingʼo Loko Manyien

¹¹ Kane awacho ni, ‘Ka ema onego ichopie ma ok ikalo; ka e kama apaka magi nyalo dhwolore mi gike’?

Ayub 38:11 ပူးပေါင်းရင်းမြစ်များ

1 Ruodhi 13:28

Nodhi moyudo ringre ng’atno koriere e yo, ka kanyna kod sibuor ochung’ bute. To sibuor ne ok ochamo ringre ng’atno, kata timo gimoro ni kanyna ne ok otimo.

Ayub 1:22

Kuom mano, kata obedo Ayub osesandore malit kamano, to ne ok oketho, kata wacho ni Nyasaye rach, ne ok owacho.

Ayub 2:6

Mano omiyo Ruoth Nyasaye nowacho ni Satan niya, “Kara ber, koro ero akete e tekoni mondo itimne gima idwaro, to kik inege.”

Ayub 26:10

Ne ogoro laini alwora e nam, mopogogo ler gi mudho.

Ayub 38:10

Ne aketo tong’ ni nam, mi alorone dhorangeye.

Ayub 38:12

In Ayub, bende nyaka nene isemiyoe piny oru?

Zaburi 104:9

Eka ne iketonigi tong’ ma ok ginyal kadho, mondo kik gichak giim piny kendo.

Zaburi 124:5

Ee, dine wanimo e pi mabubni malich!”

Zaburi 76:10

Kata mana mirimb dhano keloni pak, kendo jogo motony e lweny nopaki e sewni ma gitimoni.

Zaburi 89:9

In gi loch kuom nam, kendo ikueyo apaka mage madongo.

Ngeche 8:29

mi ogolo chik ni pi, mondo kik kadh kama oketo. Bende ne antie kane oketo mise mar piny.

Isaya 27:8

Ooyo, ose mana riembogi gidhi e piny mabor, ka gima yamo mager moa yo wuok chieng’ ema oterogi.

Jeremia 5:22

An Ruoth Nyasaye apenjo kama: Ere gimomiyo ok unyal luora? Koso ang’o momiyo ok unyal kirni e nyima? Nene aketo kuoyo manie dhonam mondo ogeng’ nam, kendo obed tong’ mosiko ma pi ok nyal kadho. Apaka mag nam nyalo gingore, kendo wuo matek, to ok nyal kadho, kata mwomo.