Ayub 37:24 - MUMA MALER 2015

²⁴ Mano emomiyo ji duto oluore, kendo ok odew jogo maparo ni nigi rieko.”

Motingʼo Loko Manyien

²⁴ Mano emomiyo ji miye luor, nikech ok opak joma pachgi wuondo ni riek.”

Ayub 37:24 ပူးပေါင်းရင်းမြစ်များ

Ayub 5:13

kendo omako jorieko gi riekogi giwegi, kamano gimoro amora ma gichano kethore.

Zaburi 130:4

To in ing’wononwa, omiyo waluori.

Zaburi 33:8

Piny duto mondo oluor Ruoth Nyasaye. Adier, ji duto manie piny nyaka luore.

Zaburi 40:4

Ng’at mogeno kuom Ruoth Nyasaye, kendo ma ok lam gik maket, bende ma ok riwre gi joma lamo nyiseche manono, en jahawi.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Jeremia 5:22

An Ruoth Nyasaye apenjo kama: Ere gimomiyo ok unyal luora? Koso ang’o momiyo ok unyal kirni e nyima? Nene aketo kuoyo manie dhonam mondo ogeng’ nam, kendo obed tong’ mosiko ma pi ok nyal kadho. Apaka mag nam nyalo gingore, kendo wuo matek, to ok nyal kadho, kata mwomo.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Jona 1:16

Bang’ mano jokwang’ noluoro Ruoth Nyasaye ahinya, mi ne gitimone misango, kendo gikuong’orene.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Luka 10:21

E sa nogo, Roho Maler nomiyo Yesu odoko mamor ahinya, mi owacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyisogi mana ji ajia. Adier Wuora, osetimore kamano, nikech mano e kaka ne long’oni.

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

1 Jo-Korintho 1:26

Koro owetena ma Nyasaye oseluongo, parieuru kaka uchal. Ka unyalo paro kaka dhano paro, to ubiro yudo ni joma nok kuomu kende ema riek, kendo joma nok ema omew, bende joma tin kuomu kende ema wuok e miech ruodhi.

1 Jo-Korintho 3:19

nikech rieko mar pinyni en mana fuwo e wang’ Nyasaye. Nitie wach moro e Muma mawuoyo kuom Nyasaye kama: “En ema omako jorieko gi riekogi giwegi.”