Ayub 37:19 - MUMA MALER 2015

¹⁹ Ara, puonjwa ane gima onego wawach ni Nyasaye, nimar wiwa ni nono, kendo wakia gima onego wawachi.

Motingʼo Loko Manyien

¹⁹ “Nyiswa ane gima dwanyis Nyasaye machalo kamano ka kata mana pek ma wan-go ok wanyal ketone e yo mayot.

Ayub 37:19 ပူးပေါင်းရင်းမြစ်များ

Ayub 12:3

To an gi rieko mana ka ma un-go, kendo ok uloya. Ere ng’ama ok ong’eyo gik moko duto musewacho?

Ayub 13:3

Nyasaye ema an go gi wach, to ok un, kendo en ema adwaro yalo kode.

Ayub 13:6

Koro chikuru itu mondo uwinj kaka ayalo bucha.

Ayub 26:14

To mago gik manyiso mana dir tekone kende, kendo gin mana weche manok miwacho kuome. To koro en ng’awa ma nyalo ng’eyo duong’ hie mar Nyasaye.”

Ayub 37:20

An to, ok anyal kwayo Nyasaye mondo owe alosi, nikech mano dimi otieka chuth.

Ayub 38:2

“In ng’a, minyalo penjo rieko ma an-go? Fupi lilo ema inyiso.

Ayub 40:4

“A Ruoth Nyasaye, ere kaka dadwoki an aanani? Ok abi temo wacho gimoro machielo kendo,

Ayub 42:3

Ipenjo ni ere gima omiyo ahedhora penjo riekoni, ka an to amemora kama? Koro ayie ni ne awuoyo kuom gik ma akia, kendo kuom honni modhiera winjo.

Ayub 9:14

Koro ere kaka dayud weche ma dadwokgo Nyasaye malichni?

Zaburi 139:6

Ng’ech ming’eyago lich miwuoro! Chutho, otut ma ok anyal winjo tiende.

Zaburi 73:22

to ne abedo mofuwo ka dhiang’ e nyimi.

Jo-Rumi 8:26

Mano e kaka Roho bende konyowa e nyawowa, nikech ok wang’eyo kaka owinjore walem. To Roho owuon kwayonwa Nyasaye, kachur gi chur ma weche dhano ok nyal wacho,

1 Jo-Korintho 13:12

Koro waneno mana kido matiptip ka joma neno e rang’i marachrach, to chieng’no wananen malong’o. Rieko ma an-go sani en rieko morem, to chieng’no anang’e Nyasaye chuth, mana kaka Nyasaye ong’eya.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.