Ayub 37:12 - MUMA MALER 2015

¹² kendo gilworore kaka Nyasaye dwaro. Gitimo gimoro amora ma Nyasaye ochiko, kuonde duto e piny ngima.

Motingʼo Loko Manyien

¹² Gilwore mana kaka Nyasaye dwaro, ka gidhi e wangʼ piny duto ka gitimo gima ochikogi.

Ayub 37:12 ပူးပေါင်းရင်းမြစ်များ

Ayub 36:32

Omako mil polo gi lwete, kendo ogoyogo gima odwaro.

Ayub 37:3

En ema omiyo mil polo menyo kor polo duto, chakre tung’ piny konchiel nyaka komachielo.

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 147:15

Ogolo chik ni tung’ piny gi tung’ piny, kendo wachne chopo piyo ka diemo wang’.

Zaburi 148:8

koda ka mach gi pe, kod pi malokore pe, kaachiel gi yamo madongo marito chikne.

Isaya 14:21

Ikreuru uneg yawuote nikech richo wuon gi, mondo kik gichak giyud loch mi gikaw piny, kendo gipong’e gi miechgi.

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Fweny 11:6

Gin gi teko mar loro polo mondo koth kik chue e ndalo ma gihuloe wach. Bende gin gi teko mar loko pige doko remo, kendo gin gi teko mar kelo tuoche mopogore opogore e piny e kinde akinda ma gidwaro.