Ayub 36:23 - MUMA MALER 2015

²³ Onge ng’ama nyalo nyiso Nyasaye gima onego otim, kata manyalo kwere ni otimo marach.

Motingʼo Loko Manyien

²³ En ngʼa manyalo nyiso Nyasaye yore monego oluw, kata manyalo kwere ni, ‘Isetimo marach’?

Ayub 36:23 ပူးပေါင်းရင်းမြစ်များ

Ayub 21:22

Bende dhano dipuonj Nyasaye adier? Koso bende doyal Ng’ama Duong’ Moloyo?

Ayub 34:10

Un joma riek, koro chikuru itu mondo uwinji. Bende Nyasaye Manyalo Gik Moko Duto ditim gima ok ni kare adier?

Ayub 34:12

Nyasaye Manyalo Gik Moko Duto ok tim timbe maricho, bende ok otim ni ng’ato gima ok ni kare.

Ayub 40:8

In itemo nyiso ni bura ma aseng’ado ok ni kare? Koso idwaro nyiso ni an ema aseketho, mondo in ineri ka ng’ama ni kare?

Ayub 8:3

Nyasaye ok ng’ad buch amwor, to otimo mana gima kare.

Jo-Rumi 11:34

En mana kaka Muma wacho niya, “Ere ng’ama oseng’eyo paro mar Ruoth Nyasaye, kata ere ng’ama osebet jang’adne rieko?

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Jo-Rumi 3:5

To ng’ato nyalo wacho ni richowa nyiso ji tim makare mar Nyasaye, omiyo Nyasaye ok ni kare kakumowa.

Jo-Rumi 9:14

To koro dwawach ang’o? Dwawach ni Nyasaye ok ni kare koso? Ooyo! Ok nyal bet kamano,

1 Jo-Korintho 2:16

Mano e gima Muma bende wacho ni, “Ere ng’ama ong’eyo paro mar Ruoth, ma dimi ong’ad ni Ruoth rieko?” Wan to wan gi paro mar Kristo!

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.