Ayub 36:16 - MUMA MALER 2015

¹⁶ In Ayub, Nyasaye ne ogoli e thagruok, mi omiyi ibedo gi kue, kendo ne omiyi chiemo mang’eny mogundho.

Motingʼo Loko Manyien

¹⁶ “Ogoli e masiche kendo oteri kama onge chandruok mondo omiyi kwe gi chiemo mogundho.

Ayub 36:16 ပူးပေါင်းရင်းမြစ်များ

Ayub 15:11

Ichayo hoch ma Nyasaye hoyigo, kaachiel gi weche mamuol ma isewinjo koso?

Ayub 19:8

Nyasaye osedinona yo, mi ok anyal kadho, kendo osemiyo mudho oimo yorena.

Ayub 5:17

Ng’at ma Nyasaye kwero en jahawi, omiyo kik imak wach e chunyi ka Nyasaye okumi.

Zaburi 118:5

Kane an e thagruok, to ne aywak ni Ruoth Nyasaye. Ne odwoka, mi ogonya abedo thuolo.

Zaburi 18:19

Ne ogola e chandruok, mi abedo thuolo. Noresa nikech nomor koda.

Zaburi 18:20

Ruoth Nyasaye ne opoga pok mowinjore gi timna makare. Ne ochula mowinjore gi tichna maler,

Zaburi 23:5

Iketo chiemo e nyima mana ka wasika duto neno. Irwaka gi ng’wono ka iwiro wiya gi mo, kendo ipong’o kikombena, mi o piny.

Zaburi 31:8

Ok iseweyo mondo wasika omaka, to isegola oko, kimiya thuolo.

Zaburi 36:8

Gichamo chiemb odi mogundho mi giyieng’, kendo imiyo gimodho e aora mar berni.

Zaburi 63:5

Chunya nobed mamor mana ka ng’ama ochamo ondhudho kod mo, moyieng’, kendo napaki ka awer gi mor.

Zaburi 63:6

Ka anindo e kitandana, too in ema apari. Ee, otieno duto aparo mana in,

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Hosea 2:14

“To koro winjuru! Abiro kawe, mi atere e thim, kendo abiro wuoyo kode maber kuno, mi aduog chunye.