Ayub 36:10 - MUMA MALER 2015

¹⁰ En ema omiyo gichiko itgi, mondo giwinj siem mosiemogigo, kendo giwe timo richo.

Motingʼo Loko Manyien

¹⁰ Omiyo giwinje korieyogi kendo ochikogi ni gilokre giwe timbegi maricho.

Ayub 36:10 ပူးပေါင်းရင်းမြစ်များ

2 Ruodhi 17:13

Ruoth Nyasaye ne siemo jo-Israel kod jo-Juda, kooronigi jonabi gi jokor wach duto, kowachonigi niya, “Weuru yoreu maricho, mondo umak chikena gi buchena ma jonabina mane aoro onyiso kwereu.”

Ayub 36:15

To Nyasaye kelo ni ji chandruok mondo opuonjgigo, kendo omiyogi chuny lit mondo wang’gi oyepi.

Ayub 36:21

Tang’ mondo kik idonj e richo, nimar chandruok ma in godono ne okelni mana ni mondo omi kik idonj e richo kendo.

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Isaya 48:8

Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Isaya 50:5

Ruoth Nyasaye oseyawo ita, mi ok asetamora winjo wachne, bende ok aselokora mi aweye.

Hosea 14:1

Duoguru ir Ruoth Nyasachu un jo-Israel. Richou osemiyo uchwanyoru, mi upodho.

Jona 3:8

Nyaka girwakre gi pien gugru, kendo giywag ni Nyasaye gi tekregi duto. Ng’ato ka ng’ato mondo owe yorene maricho kaachiel gi timbene mag miero.

Zefania 3:7

Ne aparo ni jo-Jerusalem diwinj chikna, omiyo ne awachonigi niya, ‘Luorauru, kendo winjuru puonjna.’ To kata kamano ne giketo chunygi mana kuom timo timbegi mamono.

Mathayo 3:8

Timbeu ema mondo onyis ni uselokoru adier.

Tich Joote 16:14

Achiel kuom joma ne winjowa ne dhako moro moa Thuatira, ma nyinge Ludia. Ne en dhako moluoro Nyasaye, kendo ne en johand nengni makwar ma nengogi tek. Ruoth noyawo chunye mondo owinj weche mane Paulo wacho.

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Tich Joote 3:19

Mano omiyo, lokreuru uduog ir Nyasaye mondo richou oruchi,

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.