Ayub 35:9 - MUMA MALER 2015

⁹ Ka ji yudo thagruok, kithirogi, to gichur kendo giywak ni mondo ng’ato oresgi.

Motingʼo Loko Manyien

⁹ “Ji ywak malit nikech tingʼ mapek moyie kuomgi; giywak mana ni mondo ogolgi e bwo loch joma thirogi.

Ayub 35:9 ပူးပေါင်းရင်းမြစ်များ

Ayub 12:19

En ema omiyo jodolo bedo jochan ma onge lewni, kendo omiyo joma nigi loch bedo mobolore.

Ayub 20:19

nikech ne othiro joma odhier kendo ojwang’ogi, mi omayo jomoko nono utgi.

Ayub 24:12

Ka idhi e mier, to iwinjo ywak joma ohiny, kendo ma tho, to Nyasaye ok dew lemogi!

Ayub 34:28

Ne gichuno joma odhier mondo oywag ni Nyasaye, kendo ne owinjo ka gikwaye mondo okonygi.

Ayub 35:8

Richoni hinyo mana ji weteni, kendo ber mitimo konyo mana gin.

Ayub 40:9

Bende iratego ka an adier? Koso dwondi bende chal gi mara ma mor ka polo?

Zaburi 10:15

A Nyasaye, keth teko mar joricho kod joma acheje. Kumgi kuom timbegi maricho, nyaka chop girum chuth.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 43:2

In e Nyasaye ma lwandana, to ere gima omiyo koro ijwang’a? Koso ang’o momiyo onego abed kakuyo mana nikech wasika?

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Wuok 22:23

Ka uthagogi, mi giywakna mondo akonygi, to anawinjgi,

Wuok 3:7

Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Wuok 3:9

Asewinjo ywak jo-Israel, kendo aneno kaka jo-Misri thirogi malit.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Rapar mar Chik 24:15

Nyaka imiye pokne pilepile kapok chieng’ opodho, nimar en jachan kendo pokneno ema konye. Ka ok itimo kamano, to onyalo ywakni kuom Ruoth Nyasaye, mi dibed jaketho.