Ayub 35:10 - MUMA MALER 2015

¹⁰ To ok giywag ni Nyasaye ma jachwechgi, kendo mamiyogi teko e sa ma masira malich omakogie.

Motingʼo Loko Manyien

¹⁰ To onge ngʼato kuomgi mawachoe ni, ‘Nyasaye mane ochweya nikanye, Nyasaye mamiyo ji wende gotieno,

Ayub 35:10 ပူးပေါင်းရင်းမြစ်များ

Ayub 21:14

Joricho okwero Nyasaye niya, ‘Wewa! Ok wadwar ng’eyo yoreni.

Ayub 27:10

Ne onego ginyis ni giyudo mor kuom tiyo ni Nyasaye, bende nonego gibed ka gilame pile!

Ayub 32:22

Adier, an ok ang’eyo kaka iwuondo ji, to bende kapo ni atimo kamano, to Jachuechna dikuma piyopiyo.”

Ayub 36:13

Joma ok dew Nyasaye bedo gi mirima kinde duto, kendo ka okumgi, to ok giywagre mondo okonygi,

Ayub 36:3

An gi rieko mathoth, omiyo abiro wacho gima ang’eyo, mondo anyisgo ni Nyasaye jachuechna timo mana gik makare.

Ayub 4:17

‘Bende dhano nyalo bedo makare e nyim Nyasaye? Koso nitie ng’ato manyalo bedo maler e nyim Jachuechne?’

Ayub 8:21

Enochak omi inyier kendo ikog gi mor,

Zaburi 119:62

Achiew dier otieno mondo apaki, nikech buche ming’ado ni kare.

Zaburi 149:5

Jo-Nyasaye mondo obed mail kuom locho, kendo giwer gi mor e sewni maggi.

Zaburi 42:8

Ruoth Nyasaye nyiso herane mosiko odiechieng’ kodiechieng’. Anawerne wende pak otieno kotieno. Ee, analam Nyasaye ma miya ngima.

Zaburi 77:6

Otieno duto nasiko ka aparo mana kamano. Ne aparo matut, kapenjora niya,

Eklesiastes 12:1

Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.”

Isaya 51:13

Ere gima omiyo wiu osewil gi Ruoth Nyasaye, ma Jachuechu, mane oyaro polo kendo ochueyo piny? Ere gima omiyo kibaji osiko ka goyou ndalo duto? Koso ang’o momiyo uluoro mirimb ng’at masandou kadwaro tiekou? Uparo ni mirimb ng’at ma sandouno to gima nade!

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Tich Joote 16:25

Kar odiewuor tir, Paulo gi Sila noyudo lemo kendo wer ni Nyasaye, ka joma otwe mamoko to ochiko itgi winjogi.

1 Petro 4:19

Emomiyo, ber mondo joma neno masira kaluore gi dwaro mar Nyasaye, osik ka timo timbe mabeyo, kendo ochiwre e lwet Jachwechgi, ma en Jal mogen.