Ayub 34:29 - MUMA MALER 2015

²⁹ Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Motingʼo Loko Manyien

²⁹ Kata ka nenore ni olingʼ, to en ngʼa ma dingʼadne bura? Koso kopando wangʼe, to en ngʼa ma dinene? To kata kamano en ema orito ogendini

Ayub 34:29 ပူးပေါင်းရင်းမြစ်များ

2 Samuel 7:1

Kane ruoth osechako dak e ode ma nogero, kendo Ruoth Nyasaye omiye kue e kinde gi wasike duto ma nolwore koni gi koni,

2 Samuel 7:11

chakre ndalo mane aketoe jobura mondo oritgi, to anamiyi kue e kindi gi wasiki duto. To bende awacho ni anaguedh dhoodi mondo osiki.

2 Weche mag Ndalo 20:30

Kamano piny Jehoshafat nobet gi kue, nimar Nyasache nokelo kue e kindgi gi pinje duto mokiewo kode.

Ayub 12:14

Ka Nyasaye ema omuko gimoro, to ere ng’ama nyalo gere kendo? Koso ka Nyasaye ema oketo ng’ato e tuech, koro ere ng’ama digonye?

Ayub 23:13

Ok olokre, to bende onge ng’ama dipiem kode, kata ma ditame timo gima odwaro.

Ayub 34:28

Ne gichuno joma odhier mondo oywag ni Nyasaye, kendo ne owinjo ka gikwaye mondo okonygi.

Ayub 34:30

Bende onge gima ogendini ditim mondo kik gibed e bwo loch joma thirogi.

Zaburi 13:1

A Ruoth Nyasaye, wiyi biro wil koda chutho nyaka karang’o? Koso pod ibiro lalna kuom kinde marom nadi?

Zaburi 143:7

Dwoka sani, A Ruoth Nyasaye, nimar genona duto oserumo. Kik ipandna wang’i, nono to abedo e kanyakla mar jogo madhi e piny joma otho.

Zaburi 27:9

to kik ipandna wang’i! Kik ikech koda, kendo kik iriemba an jatichni. A Nyasaye Jawarna, in ema isebedo konyruokna, omiyo kik iweya kata kik ijwang’a.

Zaburi 30:7

A Ruoth Nyasaye, in ibedona mang’won, kendo iserita mana ka ng’ama odak kama ochiel motegno e got. To kane ipandona wang’i, luoro ne omaka ahinya.

Zaburi 94:10

En ema orito ogendini! Donge okumogi? Koso ng’ama puonjo dhano nyalo bedo maonge gi rieko adier?

Zaburi 94:13

nikech imiye yueyo e kinde mag chandruok ka joricho to ichikonigi obadho.

Wuok 33:14

Ruoth Nyasaye nodwoke niya, “Abiro dhi kodi an awuon, kendo anamiyi kue.”

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Isaya 32:17

mi kue nosik nyaka chieng’, kendo luoro ok nobedie.

Jeremia 27:8

“To ka oganda moro otamore tiyo ni Nebukadnezar ruodh Babulon, kata rwako jokne, to lweny gi kech kod tuoche ema nakumgo ogandano nyaka chop ami obed e teko mar Nebukadnezar. An Ruoth Nyasaye ema awacho kamano.

Ezekiel 34:15

An awuon ema nabed jokwadh romba, kendo anayudnigi kama giyueyoe. An Ruoth Nyasaye ema awacho kamano.

Johana 14:27

Kue ema koro aweyonu. Adier, kue mara awuon ema amiyou. En kue ma pinyni ok nyal chiwo. Kik chunyu parre, kendo kik ubed maluor.

Jo-Filipi 4:7

Eka kue mar Nyasaye modhiero ji ng’eyo norit chunyu gi parou, kubedo kuom Kristo.