Ayub 34:19 - MUMA MALER 2015

¹⁹ Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

Motingʼo Loko Manyien

¹⁹ Nyasaye ok odewo kata mana wangʼ ruodhi kendo ok otim maber ne jo-mwandu to jochan to oweyo, nikech gin duto gin chwech lwete?

Ayub 34:19 ပူးပေါင်းရင်းမြစ်များ

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Ayub 10:3

Bende en gima ber kibedo makwiny, kendo kijaro gima in iwuon ema ichueyo? To eka ibuonjo kineno rieko ma joma richo ng’ado!

Ayub 12:19

En ema omiyo jodolo bedo jochan ma onge lewni, kendo omiyo joma nigi loch bedo mobolore.

Ayub 12:21

Okuodo wi joma nigi loch, kendo otieko teko jotelo.

Ayub 13:10

Kata kudokne kamano, to obiro ng’eng’ou malit.

Ayub 13:8

Udwaro dok ni Nyasaye koso? Koso udwaro chwake kiyale?

Ayub 31:15

Donge Nyasaye achiel mane ochueya, e Nyasaye mane ochueyo jotichnago bende?

Ayub 32:21

Ok abi chwako ng’ato e wachni, kendo ok abi wuondo ng’ato.

Ayub 34:18

Nyasaye kwero ruodhi gi jotelo, ka gitimo timbe maricho kendo mamono.

Ayub 36:19

Onge gima ibiro yudo kuom mwanduni, to bende tekri ok nyal konyi sani.

Wuok 30:15

Kuchulo Ruoth Nyasaye chiwo muwarogo ngimau, ng’at ma jamoko ok nochul mang’eny moloyo, to bende ng’at ma jachan ok nochul morem.

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 22:2

Onge pogruok moro e kind jachan gi jamoko, nimar Ruoth Nyasaye nochueyogi giduto.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Isaya 3:14

Ee, oyalo jodong joge gi jotendgi, kowacho niya, “Useketho puotha mar mzabibu, kendo gik moko ma useyako kuom joma odhier opong’o uteu.

Tim jo-Lawi 19:15

“Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera.

Tich Joote 10:34

Eka Petro nochako wuoyo, kawacho ni, “Koro asefwenyo adier ni Nyasaye timoni ji duto mana machalre.

Jo-Rumi 2:11

Nyasaye ok dew wang’ ng’ato!

1 Jo-Korintho 1:28

Bende noyiero gik ma piny obwono kendo ochayo kendo ma ok kwan ka gimoro mondo okethgo gik ma piny kwano ka gik madongo.

Jo-Galatia 2:6

To jogo mane onenore ka jotelo ne ok omiya wach moro manyien. (Awacho ni ne ginenore ka jotelo, nikech ok adewo gima gin, nimar Nyasaye ok odewo nenruok maoko mar dhano.)

Jo-Efeso 6:9

Un ruodhi bende timuru ni wasumbini mau mana kamano. Kik ubwoggi, nikech ung’eyo ni un kaachiel kodgi, un gi Ruoth achiel kende e polo ma ok oluoro wang’ ng’ato.

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Jo-Kolosai 3:25

Ng’at matimo marach kata da bed ni en ng’ama nadi, noyud pok kuom rach mosetimo, nikech Nyasaye yalo ji duto mana machalre, ka ok odewo wang’ ng’ato.

Jo-Hibrania 12:28

Emomiyo wagouru erokamano ni Nyasaye, nikech wanwang’o piny manyien ma ok nyal yiengni, walameuru kaka owinjore, ka wamiye duong’ kod luor,

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.