Ayub 34:10 - MUMA MALER 2015

¹⁰ Un joma riek, koro chikuru itu mondo uwinji. Bende Nyasaye Manyalo Gik Moko Duto ditim gima ok ni kare adier?

Motingʼo Loko Manyien

¹⁰ “Omiyo lingʼuru uwinja, un joma nigi winjo. Nyasaye ok nyal timo gima rach kata dichiel, Jehova Nyasaye Maratego ok tim gima ok owinjore.

Ayub 34:10 ပူးပေါင်းရင်းမြစ်များ

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

2 Samuel 22:31

Yor Nyasaye en yo malong’o. Osenon wach Ruoth Nyasaye, moyud ni en adier. Ruoth Nyasaye e okumba mar joma ogeno kuome.

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Ayub 34:12

Nyasaye Manyalo Gik Moko Duto ok tim timbe maricho, bende ok otim ni ng’ato gima ok ni kare.

Ayub 34:34

Ng’ato ang’ata man gi paro, mowinjo gima awacho,

Ayub 36:23

Onge ng’ama nyalo nyiso Nyasaye gima onego otim, kata manyalo kwere ni otimo marach.

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 8:3

Nyasaye ok ng’ad buch amwor, to otimo mana gima kare.

Zaburi 145:17

Yore duto mag Ruoth Nyasaye gin kare. Adier, ong’won e timbene duto.

Zaburi 92:15

Mano nyiso ni Ruoth Nyasaye ma lwandana en jaadiera. Adier, tim moro marach onge kuome.

Ngeche 15:32

Ng’at ma tamore puonj hinyore kende owuon, to ng’ama yie kikwero medo bedo mariek.

Ngeche 6:32

Kamano bende, ng’at ma terore gi chi ng’ato onge rieko, nimar oketho mana ngimane owuon.

Jeremia 12:1

“A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Zefania 3:5

To Ruoth Nyasaye man Jerusalem timo mana gik makare. Ok otim gimoro marach to ong’ado bura gi adiera okinyi kokinyi mak olewo ngang’. Jaricho to wiye ok kuodi.

Jo-Rumi 9:14

To koro dwawach ang’o? Dwawach ni Nyasaye ok ni kare koso? Ooyo! Ok nyal bet kamano,

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Jakobo 1:13

To ng’at ma itemo kik wach ni Nyasaye teme, nikech onge richo manyalo temo Nyasaye, kendo en owuon ok otem ng’ato.