Ayub 33:6 - MUMA MALER 2015

⁶ In Ayub, wachalre kodi e nyim Nyasaye, nimar waduto ne ochwewa mana gi lowo.

Motingʼo Loko Manyien

⁶ E nyim Nyasaye achal achala kodi nikech an bende nochweya mana gi lowo.

Ayub 33:6 ပူးပေါင်းရင်းမြစ်များ

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Chakruok 30:2

Jakobo nokecho gi Rahel, mowachone niya, “Iparo ni an e Nyasaye, mosetami e nywol?”

Ayub 10:9

A Nyasaye, par ni ne ichweya kuom lowo, to bende didwoka e lowo adier?

Ayub 13:12

Ngecheu kod weche muchwakorugogo onge gi ndhathgi.

Ayub 13:3

Nyasaye ema an go gi wach, to ok un, kendo en ema adwaro yalo kode.

Ayub 20:22

Kata gik mang’eny opong’o dalane kamano, to achien none chandruok malich.

Ayub 31:35

Mad ng’ato bedie manyalo winja! Akuong’ora ni weche ma asewacho gin adier. Nyasaye Manyalo Gik Moko Duto mondo odwoka. Ka da bed ni ng’at modonjona ondiko weche modonjonago,

Ayub 4:19

koro ere kaka dogen dhano ma ochwe mana gi lowo, kendo molos mana gi buru, ma inyalo ng’inyo ka oguyo?

Wuok 4:16

Harun biro wuoyo gi ji kari, nimar en ema nobedni ka dhogi, to in ema nibedne ka Nyasaye, kinyise gima onego owachi.

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

2 Jo-Korintho 5:20

Omiyo wan joote Kristo, kendo Nyasaye owuon ema wuoyonu gi dhowa. Wasayou e nying Kristo ni mondo uwinjru gi Nyasaye.