Ayub 33:27 - MUMA MALER 2015

²⁷ Eka nowachi e lela niya, ‘Asetimo richo. To kata obedo ni ne ok atimo gik makare kamano, to Nyasaye nong’wonona.

Motingʼo Loko Manyien

²⁷ Koro ngʼatno nyalo biro e nyim ji mi owachnegi ni, Ne atimo richo mi aloko ber obedo rach, to Nyasaye ne ok ochula gi gima owinjore gi kethona.

Ayub 33:27 ပူးပေါင်းရင်းမြစ်များ

Chakruok 16:13

Hagar nowacho niya, “Bende en adier ni aseneno Nyasaye, to pod angima?” Omiyo noluongo Ruoth Nyasaye ma noyudo wuoyo kode ni El-roi, tiende ni, ‘Nyasaye ma neno.’

2 Samuel 12:13

Daudi nowacho ni Nathan niya, “Aseketho e nyim Ruoth Nyasaye.” Eka Nathan nomedo wachone niya, “Ruoth Nyasaye bende oseweyoni richoni; koro ok nitho.

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

Ayub 34:32

Bende isekwayo Nyasaye mondo onyisi kethoni, mi iyie ni kata obedo ni iseketho, to koro ibiro weyo timo richo?

Ayub 34:9

Bende owacho ni onge gima ng’ato yudo kuom timo dwaro mar Nyasaye.

Ayub 7:20

In jang’i jini, ere gima obadhi ka atimo richo? Ang’o momiyo an ema inena, koso ere gima omiyo achando chunyi?

Zaburi 103:10

Bende ok okumwa maromre gi richowa, kata chulonwa kuor moromo gi timbewa mamono ok ochulnwa.

Zaburi 11:4

Ruoth Nyasaye nie Hekalu mare maler, kendo en gi kom duong’ne e polo. Orango ji duto kendo oneno gik ma gitimo.

Zaburi 119:128

Kuom mano, aluwo chikeni duto, to yore maricho duto amon-go.

Zaburi 14:2

Ruoth Nyasaye rango ji gie polo, mondo one ane ka nitie joma riek kendo malame.

Ngeche 15:3

Ruoth Nyasaye neno gik matimore kamoro amora. Orango joma beyo gi joma richo mana machalre.

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Ngeche 5:21

Ruoth Nyasaye neno gik moko duto mitimo, kendo orangi kamoro amora midhiye.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Ezekiel 14:23

Bende ka uneno kaka richogi chalo, to unuyie, mi ung’e ni kara ne akumogi mana e wang’e. An Ruoth Nyasaye ema awacho kamano.”

Kwan 12:11

nokwayo Musa niya, “Jaduong’, lamnwa! Kik iwe wachul gop richo, kata obedo ni wasetimo gima ofuwo kendo marach kamano.

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Luka 18:13

Jasol osuru to ne ochung’ gi chien kendo ne pok ohedhore kata mana ting’o wiye mondo orang polo, to noywagore malit, kowacho ni, ‘A Nyasaye, yie ikecha, an ma an jarichoni.’ ”

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Jo-Rumi 7:16

To ka atimo gik ma ok adwar timo kamano to mano nyiso ni ayie ni Chik ber.

Jo-Rumi 7:22

E chunya maiye to amor gi Chik Nyasaye,