Ayub 33:22 - MUMA MALER 2015

²² Adier, ochiegni dhi e Piny Joma Otho.

Motingʼo Loko Manyien

²² Chunye sudo machiegni gi bur matut, kendo ngimane yware machiegni gi joma osetho.

Ayub 33:22 ပူးပေါင်းရင်းမြစ်များ

2 Samuel 24:16

To kane malaika orieyo bade kochiko Jerusalem mondo oketh dalano, Ruoth Nyasaye noloko parone kuom masira ma nodwaro timo mowacho ni malaika mane nego ji niya, “Oromo! Koro dwok lweti.” To noyudo ka malaika mar Ruoth Nyasaye obet but kar dino mar Arauna ja-Jebus.

Ayub 15:21

Koko mag masiche biro mor e ite, kendo jomecho biro monje mi yake e kinde moparo ni enie gi kue.

Ayub 17:1

“Ndalona oserumo, kendo aonge gi kue. Onge gima odong’na mak mana tho!

Ayub 33:18

Nyasaye ok nowe girum, to oresogi e lak tho hie hie.

Ayub 33:28

Ne oresa kuom dhi e Piny Joma Otho, omiyo pod angima.’

Ayub 7:7

A Nyasaye, par ni ngimana chalo yamo, kendo morna oserumo.

Zaburi 107:18

Dhogi ne rach, ma ok ginyal chamo gimoro, kendo ne gichiegni tho.

Zaburi 17:4

kaka ji mamoko, to aserito chikni, kendo ok aseluwo timbe mag mahundu.

Zaburi 30:3

Ne igola e piny joma otho. Ne an e kanyakla mar joma dhi e piny matutno, to kata kamano ne iresa.

Wuok 12:23

Ruoth Nyasaye biro wuotho e piny Misri duto, mondo oneg jo-Misri, to enokadh dhoot ka dhoot moneno remo e wiye, kendo e sisi mage, kendo ok nowe malaika maneko donje uteu mondo onegu.

Isaya 38:10

“Ne aparo ni abiro tho kapod atin, kendo ni abiro tieko ndalona duto e piny joma otho.

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

1 Jo-Korintho 10:10

Kata kik ung’ur kaka jomoko kuomgi nong’ur, mi Malaika ma Janek onego.

Fweny 9:11

Ruodhigo to ne malaika mar Bur Matut Maonge Gikone. Nyinge ne iluongo gi dho Hibrania ni Abadon, to gi dho Grik ni Apoluon, tiende ni Jaketh.

1 Samuel 2:6

“Ruoth Nyasaye ema nego, kendo en ema ochiero. Oloro nyaka ei liel, bende ogolo oko.